പിലിക്കോട്: എഴുത്തുകാരൻ സി.വി. ബാലകൃഷ്ണന്റെ മകൻ നന്ദൻ സംവിധാനംചെയ്ത ‘ഡ്രീമിങ് ഓഫ് വേഡ്സ്’ (വാക്കുകളെ സ്വപ്നം കാണുമ്പോൾ) മികച്ച ഡോക്യുമെന്ററിക്കുള്ള ദേശീയപുരസ്കാരം നേടി. നാലാംക്ലാസിൽ പഠനം നിർത്തിയ ഞാറ്റ്യേല ശ്രീധരൻ തയ്യാറാക്കിയ ചതുർഭാഷ നിഘണ്ടുവുമായി ബന്ധപ്പെട്ട ഡോക്യുമെന്ററിയാണിത്.

To advertise here,

പയ്യന്നൂർ സ്വദേശി ആർ.എസ്. ശ്രീവത്സൻ എഡിറ്റിങ് നിർവഹിച്ച ചിത്രത്തിന്റെ സംഗീതസംവിധാനം നാട്ടുകാരനായ അരുൺ ഏളാട്ടാണ് നിർവഹിച്ചത്. ഒരുമണിക്കൂർ ദൈർഘ്യമുള്ള ചിത്രത്തിന് സംസ്ഥാന ടെലിവിഷൻ അവാർഡ് ലഭിച്ചിരുന്നു. സിവിൽ എൻജിനിയറിങ് കഴിഞ്ഞ് ബെംഗളൂരുവിൽ ജോലിയിൽ പ്രവേശിച്ച നന്ദൻ, പിന്നീട് ചലച്ചിത്രമേഖലയിലേക്ക് വഴിമാറി. 

മാധവന്റെ ‘റോക്കറ്റ്‌റി’യുടെയും സത്യൻ അന്തിക്കാടിന്റെ ‘ജോമോന്റെ സുവിശേഷം’, ‘ഞാൻ പ്രകാശൻ’ ചിത്രങ്ങളുടെയും അസിസ്റ്റന്റ് ഡയറക്ടറാണ് നന്ദൻ. ഷാരൂഖ് ഖാൻ ചിത്രം റേയ്സിലും അസിസ്റ്റന്റ് ഡയറക്ടറായി. കുട്ടികൾക്കായുള്ള നോവൽ ‘ആകാശപ്പന്ത്’ പ്രസിദ്ധീകരിച്ചു.

മാതാവ്: എൻ. പദ്മാവതി(റിട്ട. അധ്യാപിക). സഹോദരി: നയന (കുവൈത്ത്).