
സുരേഷ് ഗോപിയുടെ കരിയറിലെ 250ാമത്തെ ചിത്രത്തിന് ഈണം പകരുന്നത് പ്രശസ്ത തെലുങ്ക് സംഗീത സംവിധായകൻ ഹര്ഷവര്ധന് രാമേശ്വർ. ടോമിച്ചന് മുളകുപാടം നിര്മ്മിക്കുന്ന ചിത്രം സംവിധാനം ചെയ്യുന്നത് നവാഗതനായ മാത്യൂസ് തോമസ് പ്ലാമൂട്ടിലാണ്.
ഹിറ്റ് ചിത്രമായ അര്ജുന് റെഡ്ഢിക്ക് പശ്ചാത്തല സംഗീതമൊരുക്കിയത് ഹര്ഷ വര്ധന് രാമേശ്വറാണ്. അര്ജുന് റെഡ്ഢിക്കു പുറമെ കബീര് സിങ്, ദുല്ഖര് സല്മാന് നായകനായ കണ്ണും കണ്ണും കൊള്ളയടിത്താല് എന്നീ ചിത്രങ്ങള്ക്കും ഇദ്ദേഹം പശ്ചാത്തല സംഗീതമൊരുക്കിയിട്ടുണ്ട്.
കടുവാക്കുന്നേല് കുറുവാച്ചന് എന്നാണ് പുതിയ ചിത്രത്തിൽ സുരേഷ് ഗോപിയുടെ കഥാപാത്രത്തിന്റെ പേര്. ചിത്രത്തിലെ താരത്തിന്റെ മാസ് ലുക്ക് നേരത്തെ വൈറലായിരുന്നു. ഷിബിന് ഫ്രാന്സിസിന്റേതാണ് തിരക്കഥ. സിഐഐ, പാവാട തുടങ്ങിയ ചിത്രങ്ങളുടെ തിരക്കഥാകൃത്താണ് ഷിബിന്.
ഈ ചിത്രത്തിനു പുറമെ രാഹുല് രാമചന്ദ്രന് സംവിധാനം ചെയ്യുന്ന ചിത്രവും നിതിന് രഞ്ജി പണിക്കരുടെ കാവലുമാണ് സുരേഷ്ഗോപി അഭിനയിക്കുന്ന സിനിമകള്. അഞ്ചു വര്ഷത്തെ ഇടവേളയ്ക്കു ശേഷം അനൂപ് സത്യന് സംവിധാനം ചെയ്ത വരനെ ആവശ്യമുണ്ട് എന്ന സിനിമയിലാണ് നടൻ സിനിമയിലേക്ക് തിരിച്ചെത്തിയത്.
Content Highlights : suresh gopi 250 movie, harshavardhan rameswar music director tomichan mulakupadam
Published: 24 Jun 2020, 12:36 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented