അനിഖ സുരേന്ദ്രനും ശ്രേയ ജയദീപും ഒരുമിച്ചെത്തുന്ന 'ഇരവും പകലും' എന്ന മ്യൂസിക് ആല്‍ബം ശ്രദ്ധനേടുന്നു. യാത്രയിലൂടെ സ്വാതന്ത്രത്തിന്റെ ആനന്ദം കണ്ടെത്തുന്ന രണ്ട് പെണ്‍കുട്ടികളുടെ കഥയാണ് ഗാനം ആവിഷ്‌കരിച്ചിരിക്കുന്നത്. ശ്രേയ ജയദീപ് ആലപിച്ചിരിക്കുന്ന ഗാനത്തിന്റെ വരികള്‍ രചിച്ചിരിക്കുന്നത് ബാബുരാജ് കളമ്പൂരാണ്. അര്‍ജുന്‍ ബി. നായരാണ് ഈണമൊരുക്കിയിരിക്കുന്നത്. ശ്രാവണ്‍ ശങ്കറിന്റേതാണ് ഗാനരംഗത്തിന്റെ ആശയവും സംവിധാനവും. നസ്രിയ നസീമാണ് വീഡിയോ ഗാനം റിലീസ് ചെയ്തത്. 

To advertise here,

വനിതാദിനത്തോടനുബന്ധിച്ചാണ് വീഡിയോ പുറത്തിറക്കിയിരിക്കുന്നത്. അമല മീഡിയ ഹൗസ് നിര്‍മിച്ചിരിക്കുന്ന ഗാനത്തിന്റെ പ്രോഗ്രാമിങ്, മിക്‌സിങ്, മാസ്റ്ററിങ് എന്നിവ അര്‍ജുന്‍ ബി. നായര്‍ തന്നെ കൈകാര്യം ചെയ്തിരിക്കുന്നു. ക്യാമറ: സാമോദ് അലക്‌സ്, എഡിറ്റിങ്: ടിനു ജോര്‍ജ് വെള്ളുക്കുന്നേല്‍.