ന്യൂഡല്‍ഹി: അമിതാഭ് ബച്ചന്‍ അവതാരകനായ കോന്‍ ബനേഗാ ക്രോര്‍പതിയുടെ 'സ്വാതന്ത്ര്യദിന പ്രത്യേക എപ്പിസോഡ്' ഏറെ ചര്‍ച്ച ചെയ്യപ്പെട്ടത് അതിഥികളായ കേണല്‍ സോഫിയ ഖുറേഷി, വിങ് കമാന്‍ഡര്‍ വ്യോമിക സിങ്, കമാന്‍ഡര്‍ പ്രേരണ എന്നിവരുടെ സാന്നിധ്യം കൊണ്ടായിരുന്നു. തങ്ങളുടെ നിലപാടുകളും ഔദ്യോഗിക ഉത്തരവാദിത്തങ്ങളും പങ്കുവെച്ച ആ ധീരവനിതകള്‍ 'ഓപ്പറേഷന്‍ സിന്ദൂറി'നെക്കുറിച്ച് വിശദമായി സംസാരിച്ചിരുന്നു.
ഇന്ത്യന്‍ സൈനികശക്തിയെക്കുറിച്ചും ദേശസ്‌നേഹത്തെക്കുറിച്ചുമൊക്കെ കൗതുകപരമായ ചോദ്യങ്ങള്‍ ഉയര്‍ത്തിയ അമിതാഭ് ബച്ചന്‍ കേണല്‍ സോഫിയ ഖുറേഷിയോട് ചോദിച്ച ചോദ്യമാണ് ഇപ്പോള്‍ വൈറലായിരിക്കുന്നത്.
1 ലക്ഷത്തിന്റെ ചോദ്യത്തിലാണ് അവതാരകന്‍ ഇന്ത്യയുടെ ധീരവനിതകളുടെ വായനാശേഷിയെ അളന്നുകൊണ്ട് ചോദ്യമെറിഞ്ഞത്- 'ജയിംസ് ക്ലെയര്‍ എഴുതിയ ഏത് ബെസ്റ്റ് സെല്ലര്‍ പുസ്തകത്തിന്റെ ഉപശീര്‍ഷകമാണ് 'ചെറിയ മാറ്റങ്ങള്‍, ശ്രദ്ധേയമായ ഫലങ്ങള്‍' (Tiny Changes, Remarkable Results)?'
അവതാരകന്‍ കൊടുത്ത ഓപ്ഷനുകള്‍ ഇതൊക്കെയായിരുന്നു;
A. ഫ്രീക്കണോമിക്‌സ്
B. തിങ്കിംഗ് ഫാസ്റ്റ് ആന്‍ഡ് സ്ലോ
C. ആറ്റോമിക് ഹാബിറ്റ്‌സ്
D. നഡ്ജ്
ചോദ്യത്തിന് ഉത്തരമായി ഓപ്ഷന്‍ C- ആറ്റോമിക് ഹാബിറ്റ്‌സ് ആണ് സോഫിയ ഖുറേഷി തിരഞ്ഞെടുത്തത്. താന്‍ ഈ പുസ്തകം വായിക്കുക മാത്രമല്ല, ജീവിതത്തില്‍ പകര്‍ത്തുകയും ചെയ്തിട്ടുണ്ടെന്ന് കേണല്‍ സോഫിയ ഖുറേഷി പറഞ്ഞു. ഈ പുസ്തകം വായിക്കാന്‍ അവര്‍ യുവാക്കളെ ഉപദേശിക്കുകയും ചെയ്തു.
Content Highlights: Kon Banega Crorpaty question by Amitabh Bachan to Sophia Qureshi About Atomic Habits
Published: 17 Aug 2025, 10:00 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented