ചിലര്‍ കവിത ഇഷ്ടപ്പെടുന്നു,
എല്ലാവരുമല്ല.
ഭൂരിപക്ഷവുമല്ല,
ഒരു ന്യൂനപക്ഷം.
പള്ളിക്കൂടങ്ങളെയും പരിഗണിക്കണ്ട,
അവിടെ എല്ലാവരും കവിത പഠിച്ചേ തീരൂ.
കവികളെയും നമുക്കൊഴിവാക്കാം.
ആയിരത്തില്‍ ഒന്നോ രണ്ടോ പേര്‍- അവര്‍
കവിത ഇഷ്ടപ്പെടുന്നു.
എങ്ങനെയെന്നാല്‍ -
ഒരുവന്‍ ചിക്കന്‍ സൂപ്പിനൊപ്പം
നൂഡില്‍സ് കഴിക്കാനിഷ്ടപ്പെടുന്നതു പോലെ,
മറ്റൊരാള്‍ പ്രശംസയും
നീലനിറവും
ഇഷ്ടപ്പെടുന്നതു പോലെ,
ഒരാള്‍ ഒരു പഴയ സ്‌കാര്‍ഫ്
ഇഷ്ടപ്പെടുന്നതു പോലെ,
ഒരാള്‍ എവിടെയും സ്വന്തം മേല്‍ക്കോയ്മ
ഇഷ്ടപ്പെടുന്നതു പോലെ,
ചിലര്‍ വളര്‍ത്തുനായെ
തലോടാന്‍
ഇഷ്ടപ്പെടുന്നതു പോലെ .
കവിത -
എന്താണു കവിത ?
പലതുണ്ട് ചഞ്ചലമായ
ഉത്തരങ്ങള്‍.
എനിക്കറിയില്ല, എനിക്കൊന്നുമറിയില്ല,
താങ്ങി നിര്‍ത്തുന്ന
ഒരു കൈവരിയിലെന്നപോലെ
ഞാനതില്‍
മുറുകെപ്പിടിക്കുന്നു എന്നതൊഴികെ.
Content Highlights: world poetry day wislawa szymborska poem translated by sajay k
Published: 21 Mar 2022, 05:12 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented