ഇരുവരും പ്രണയത്തിലാണെന്ന അഭ്യൂഹം ബലപ്പെടുത്തി അകീം മോറിസിനൊപ്പം വീണ്ടും പൊതുയിടത്തില്‍ പ്രത്യക്ഷപ്പെട്ട് പോപ് ഗായിക മഡോണ. ന്യൂയോര്‍ക് നഗരത്തില്‍ അകീം മോറിസിനൊപ്പം നടക്കാനിറങ്ങിയ മഡോണയുടെ ചിത്രങ്ങള്‍ കഴിഞ്ഞദിവസം പുറത്തുവന്നു.
ഓവര്‍സൈസ്ഡ് ജാക്കറ്റും സ്‌കാര്‍ഫുമാണ് 66-കാരിയായ മഡോണ ധരിച്ചിരിക്കുന്നത്. ഹൂഡഡ് സ്വെറ്റ് ഷര്‍ട്ടും കോട്ടുമാണ് അകീമിന്റെ വേഷം. 28-കാരനുമായ അകീമുമായി മഡോണ പ്രണയത്തിലാണെന്ന് നേരത്തെ അഭ്യൂഹമുയര്‍ന്നിരുന്നു.
കഴിഞ്ഞ ജുലായില്‍ മഡോണ പങ്കുവെച്ച ചിത്രമാണ് അഭ്യൂഹങ്ങള്‍ക്കിടയാക്കിയത്. ഓഗസ്റ്റില്‍ പങ്കുവെച്ച ചിത്രം വീണ്ടും അഭ്യൂഹം ബലപ്പെടുത്തി. മഡോണയ്ക്കുപിന്നില്‍ ചെറുചിരിയുമായി ഇരിക്കുന്ന അകീമിന്റെ ചിത്രമായിരുന്നു അന്ന് പങ്കുവെച്ചത്.
മഡോണയുടെ 66-ാം പിറന്നാള്‍ ആഘോഷചിത്രങ്ങളിലും മോറിസ് ഉണ്ടായിരുന്നു. സെപ്റ്റംബറിലും ഇരുവരുമൊന്നിച്ചുള്ള ചിത്രങ്ങള്‍ പങ്കുവെച്ചിരുന്നു. 38-ാം വയസ്സില്‍ ആദ്യമായി അമ്മയായ മഡോണയ്ക്ക് ആറുമക്കളാണുള്ളത്.
Content Highlights: Madonna and her rumored boyfriend were seen together in NYC
Published: 08 Dec 2024, 05:55 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented