കര്‍ണാടകയില്‍ ഭാഷാസംബന്ധിയായ ചര്‍ച്ചകള്‍ക്ക് വഴിതുറന്നിരിക്കുകയാണ് ഐ.ടി നഗരമായ ബെംഗളൂരു. ബെംഗളൂരുവിലെ വിദ്യാരണ്യപുരയിലുള്ള ശ്രീ ഗുരു ദര്‍ശന്‍ കഫേയില്‍ സ്ഥാപിച്ച ഹിന്ദി ഔദ്യോഗിക ഭാഷ എന്ന സൈന്‍ബോര്‍ഡാണ് ചര്‍ച്ചകള്‍ക്ക് ആധാരം. ഇതിനെ പ്രതികൂലിച്ച് നിരവധി പേരാണ് രംഗത്തെത്തിയത്. സൈന്‍ബോര്‍ഡിന്റെ വീഡിയോ സാമൂഹികമാധ്യമങ്ങളിലടക്കം വ്യാപകമായി പ്രചരിച്ചു.
കന്നടയാണ് കര്‍ണാടകയിലെ ഔദ്യോഗിക ഭാഷയെന്നും ഹിന്ദിയല്ലെന്നും ചിലര്‍ സാമൂഹികമാധ്യമങ്ങളില്‍ പ്രതികരിച്ചു. ഇത് നാണക്കേടാണെന്നും, കര്‍ണാടകയെയും അതിന്റെ സംസ്‌കാരത്തെയും ബഹുമാനിക്കണമെന്നാണ് മറ്റുചിലര്‍ പ്രതികരിച്ചത്. കഫേയുടെ ഉടമയുടെ കൂടി അറിവോടെയാണോ ഇത് സ്ഥാപിച്ചതെന്ന അന്വേഷിക്കണമെന്ന് ചിലര്‍ പ്രതികരിച്ചു.
അതേസമയം സംഭവത്തില്‍ പോലീസ് ഇടപെട്ടു. ബാബു എന്നൊരാളാണ് സൈന്ബോര്ഡ് സ്ഥാപിച്ചതെന്നും ഉടമയുടെ അറിവോടെയല്ലെന്നും പോലീസ് പ്രതികരിച്ചു. സൈന്ബോര്ഡ് സ്ഥാപിച്ചതിന് പിന്നില്‍ ഏതെങ്കിലും തരത്തിലുള്ള ദുരുദ്ദേശ്യം ഉണ്ടോയെന്ന് അന്വേഷിക്കുമെന്നും പോലീസ് പറഞ്ഞു.
Content Highlights: bengaluru cafe signboard hindi is official language
Published: 21 Mar 2025, 10:21 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented