നടി ശ്രീവിദ്യ മുല്ലച്ചേരി വിവാഹിതയായി. സംവിധായകന്‍ രാഹുല്‍ രാമചന്ദ്രനാണ് വരന്‍. അടുത്ത ബന്ധുക്കളുടേയും സുഹൃത്തുക്കളുടേയും സാന്നിധ്യത്തില്‍ കൊച്ചിയിലായിരുന്നു വിവാഹം. കഴിഞ്ഞ വര്‍ഷം ജനുവരിയില്‍ ഇരുവരുടേയും വിവാഹനിശ്ചയം കഴിഞ്ഞിരുന്നു.
ആറു വര്‍ഷത്തെ പ്രണയത്തിനുശേഷമാണ് ശ്രീവിദ്യയയും രാഹുലും ജീവിതത്തില്‍ ഒന്നിക്കുന്നത്. ഗോള്‍ഡന്‍ നിറത്തിലുള്ള സാരിയായിരുന്നു ശ്രീവിദ്യയുടെ വിവാഹവസ്ത്രം. നിറയെ ഗോള്‍ഡന്‍ സീക്വിന്‍ വര്‍ക്കുകള്‍ ചെയ്ത ബ്ലൗസാണ് ഇതിനൊപ്പം പെയര്‍ ചെയ്തത്. നിറയെ സ്വര്‍ണാഭരണങ്ങളും അണിഞ്ഞു. പേസ്റ്റല്‍ പിങ്ക് നിറത്തിലുള്ള കുര്‍ത്തയും മുണ്ടുമായിരുന്നു രാഹുലിന്റെ ഔട്ട്ഫിറ്റ്.
Also Read
കഴിഞ്ഞ ദിവസം ശ്രീവിദ്യയ്‌ക്കൊപ്പം എടുത്ത ആറു വര്‍ഷം മുമ്പുള്ള ഒരു സെല്‍ഫി രാഹുല്‍ ഇന്‍സ്റ്റഗ്രാമില്‍ പങ്കുവെച്ചിരുന്നു. 'അങ്ങനെ ആറു വര്‍ഷത്തെ പ്രണയത്തിനും തമാശയ്ക്കും ഓര്‍മകള്‍ക്കും ശേഷം ദേ ഈ പെണ്ണിനെ ഞാന്‍ എന്റെ പെണ്ണുമ്പിള്ള ആകാന്‍ പോകുകയാണ്. അപ്പോള്‍ ഞാന്‍ പോയി ഒന്ന് കല്ല്യാണം കഴിച്ചിട്ട് വരാം.' എന്നാണ് ഈ ചിത്രത്തിനൊപ്പം രാഹുല്‍ കുറിച്ചത്.
നേരത്തെ ഹല്‍ദി, സംഗീത് ആഘോഷങ്ങളില്‍ നിന്നുള്ള ചിത്രങ്ങളും വീഡിയോയും ശ്രീവിദ്യ ഇന്‍സ്റ്റഗ്രാമില്‍ പങ്കുവെച്ചിരുന്നു. പച്ച നിറത്തിലുള്ള സ്‌കര്‍ട്ടും ചോളിയുമായിരുന്നു ഹല്‍ദി ചടങ്ങില്‍ ശ്രീവിദ്യയുടെ ഔട്ട്ഫിറ്റ്. പച്ചയും പിങ്കും നിറത്തിലുള്ള ഓവര്‍കോട്ടിനൊപ്പം ഓഫ് വൈറ്റ് നിറത്തിലുള്ള കുര്‍ത്തയും പൈജാമയുമായിരുന്നു രാഹുല്‍ ധരിച്ചത്.
കടും ചുവപ്പ് നിറത്തിലുള്ള ലെഹങ്ക ചോളിയായിരുന്നു സംഗീത് നൈറ്റില്‍ വധുവിന്റെ ഔട്ട്ഫിറ്റ്. കറുപ്പ് നിറത്തിലുള്ള ഷെര്‍വാണിയാണ് രാഹുല്‍ ധരിച്ചത്.
കഴിഞ്ഞ ദിവസം ഇരുവരും പങ്കുവെച്ച സേവ് ദ ഡേറ്റ് വീഡിയോയും സോഷ്യല്‍ മീഡിയയില്‍ തരംഗമായിരുന്നു. ഒരു തടാകത്തില്‍ വെള്ളത്തിന് മുകളില്‍ വാട്ടര്‍ ബെഡ് ഒരുക്കിയാണ് സേവ് ദ ഡേറ്റ് ഷൂട്ട് ചെയ്തത്. നേരത്തെ ഇരുവരും യുട്യൂബ് ചാനലിലൂടെ തങ്ങളുടെ പ്രണയകഥ വെളിപ്പെടുത്തിയിരുന്നു. ശ്രീവിദ്യയെ വായ് നോക്കിയതിനെ കുറിച്ചും ഫെയ്‌സ്ബുക്കില്‍ 'ഹായ്, ഹലോ' എന്ന് മെസ്സേജ് അയച്ചതിനെ കുറിച്ചുമെല്ലാം വീഡിയോയില്‍ രാഹുല്‍ പറഞ്ഞിരുന്നു.
കാസര്‍കോട് സ്വദേസിയായ ശ്രീവിദ്യ ക്യാമ്പസ് ഡയറി, കുട്ടനാട് ബ്ലോഗ്, ഒരു പഴയ ബോംബ് കഥ, നൈറ്റ് ഡ്രൈവ്, സത്യം മാത്രമേ ബോധിപ്പിക്കൂ തുടങ്ങിയ ചിത്രങ്ങളിലാണ് അഭിനയിച്ചത്. മിനി സ്‌ക്രീനില്‍ അവതാരകയായും റിയാലിറ്റി ഷോകളിലൂടേയും തിളങ്ങി. തിരുവനന്തപുരം സ്വദേശിയായ രാഹുല്‍ ജീം ബൂ ബാ എന്ന ചിത്രത്തിലൂടെയാണ് സംവിധായകനായി അരങ്ങേറിയത്.
Content Highlights: actress sreevidya mullachery and director rahul ramachandran got married
Published: 08 Sept 2024, 05:20 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented