ലളിതവും സ്വാഭാവികവുമായ മേക്കപ്പ് ലുക്കുകളിലൂടെ സോഷ്യൽ മീഡിയയുടെ മനംകവർന്ന താരമാണ് ജാൻവി കപൂർ. അമിതമായി മേക്കപ്പ്  ഉപയോഗിക്കുന്നതിന് പകരം, ചർമ്മത്തിന്റെ സ്വാഭാവിക ഭംഗി നിലനിർത്തിക്കൊണ്ടുള്ള 'നോ മേക്കപ്പ് മേക്കപ്പ്' ലുക്കുകളാണ് ജാൻവിയുടെ സിഗ്‌നേച്ചർ സ്‌റ്റൈൽ. കൺസീലർ, ബ്ലഷ്, ന്യൂഡ് ലിപ് ഷേഡ് എന്നിവ ഉപയോഗിച്ച് എങ്ങനെ എളുപ്പത്തിലും മിനിറ്റുകൾക്കുള്ളിലും ആകർഷകമായ ലുക്ക് സ്വന്തമാക്കാമെന്ന് ജാൻവി കപൂറിന്റെ പറഞ്ഞുതരുന്നു. ഇൻസ്റ്റഗ്രാമിൽ പങ്കുവെച്ച വീഡിയോയിലാണ് താരം ഇതിനെക്കുറിച്ച് വ്യക്തമാക്കുന്നത്.കുറഞ്ഞ സമയത്തിനുള്ളിൽ തിളക്കമുള്ളതും സ്‌റ്റൈലിഷുമായ ലുക്ക് സ്വന്തമാക്കാൻ ആഗ്രഹിക്കുന്ന ഏതൊരാൾക്കും ജാൻവി കപൂറിന്റെ മേക്കപ്പ് രീതി പിൻതുടരാവുന്നതാണ്.

To advertise here,

അമിതമായ പ്രൊഡക്ടുകളോ കനത്ത ഫൗണ്ടേഷൻ ലെയറുകളോ ഉപയോഗിക്കാതെ, വളരെ ലളിതമായി എങ്ങനെ ഒരു പെർഫെക്റ്റ് 'നോ മേക്കപ്പ് മേക്കപ്പ് ലുക്ക്' സ്വന്തമാക്കാമെന്ന് താരം വീഡിയോയിലൂടെ പറഞ്ഞുതരുന്നു.

ദിവസേനയുള്ള യാത്രകൾക്കും ജോലിസ്ഥലങ്ങളിലേക്കും ക്യാഷ്വൽ ഒത്തുചേരലുകൾക്കും ഒരുപോലെ അനുയോജ്യമായ ഈ മേക്കപ്പ് രീതി പ്രധാനമായും മൂന്ന് ഘടകങ്ങളെ ആശ്രയിച്ചാണ് നിലകൊള്ളുന്നത. കൺസീലർ, റോസി ബ്ലഷ്, സ്വാഭാവികത തുളുമ്പുന്ന ന്യൂഡ് ലിപ്‌സ്.

മുഖത്തെ സ്വാഭാവിക തിളക്കം നിലനിർത്താൻ കനത്ത ഫൗണ്ടേഷനുകൾ ഒഴിവാക്കി ആവശ്യമുള്ള ഭാഗങ്ങളിൽ മാത്രം കൺസീലർ അപ്ലൈ ചെയ്യുന്നതാണ് ഇതിന്റെ ആദ്യപടി. കണ്ണുകൾക്ക് താഴെയുള്ള കറുപ്പ്, ചെറിയ പാടുകൾ എന്നിവയ്ക്ക് മുകളിൽ മാത്രം അനുയോജ്യമായ ഷേഡിലുള്ള കൺസീലർ തൊട്ടുപുരട്ടി പതുക്കെ ബ്ലെൻഡ് ചെയ്യുന്നതോടെ ചർമ്മത്തിന് തിളക്കമുള്ളൊരു ബേസ് ലഭിക്കുന്നു.

തുടർന്ന്, മുഖത്തിന് പെട്ടെന്ന് ഒരു പ്രസരിപ്പും ഫ്രഷ്നെസ്സും നൽകാനായി കവിളെല്ലുകളിൽ ക്രീം അല്ലെങ്കിൽ ലിക്വിഡ് ബ്ലഷ് പുരട്ടുന്നു. കവിളുകൾക്ക് റോസി ഫിനിഷ് നൽകുന്ന ഈ ബ്ലഷിംഗ് രീതിയാണ് ജാൻവിയുടെ സിഗ്‌നേച്ചർ ലുക്കിന്റെ പ്രധാന രഹസ്യം.

ഇതിനോടൊപ്പം അമിത തിളക്കമുള്ള നിറങ്ങൾക്ക് പകരം പീച്ച്, സോഫ്റ്റ് പിങ്ക് അല്ലെങ്കിൽ ന്യൂഡ് ബ്രൗൺ ഷേഡുകളിലുള്ള ന്യൂഡ് ലിപ്സ്റ്റിക്കോ ലിപ് ഗ്ലോസ്സോ തിരഞ്ഞെടുക്കുന്നതോടെ ചുണ്ടുകൾക്ക് തിളക്കവും സ്വാഭാവികമായ അഴകും കൈവരുന്നു.

ഒടുവിൽ, കണ്ണുകൾക്ക് ഭംഗിയേകാൻ വോളിയം നൽകുന്ന മസ്‌കാര കൂടി ഉപയോഗിച്ച് കൺപീലികൾ വടിവൊത്തതാക്കുന്നതോടെ ജാൻവി കപൂർ ശൈലിയിലുള്ള അതിലളിതമായ മേക്കപ്പ് ലുക്ക് പൂർണ്ണമാകുന്നു. കുറഞ്ഞ സമയത്തിനുള്ളിൽ ചർമത്തിന്റെ യഥാർത്ഥ ഭംഗി പോകാതെ കൂടുതൽ ആത്മവിശ്വാസത്തോടെ തിളങ്ങാൻ ഈ മേക്കപ്പ് രീതി ഏവർക്കും ഒരുപോലെ ഗുണം ചെയ്യും.