കൂട്ടുകാർക്ക് ഇഷ്ടപ്പെടുന്നതും എളുപ്പത്തിൽ തയ്യാറാക്കാവുന്നതുമായ വിഭവമാണ് ബ്രെഡ് പിസ്സ. ഓവൻ ഇല്ലാതെ പാനിൽ നമുക്കിത് പെട്ടെന്ന് തയ്യാറാക്കാം.

To advertise here,

ആവശ്യമായ സാധനങ്ങൾ:
ബ്രെഡ് സ്ലൈസ് - 4 എണ്ണം

പിസ്സ സോസ് (ടൊമാറ്റോ കെച്ചപ്പ്) - 2 ടേബിൾസ്പൂൺ

ചീസ് - ആവശ്യത്തിന് (ചിരവിയത്)

സവാള, ക്യാപ്‌സികം, തക്കാളി - ചെറുതായി അരിഞ്ഞത്

നെയ്യ് അല്ലെങ്കിൽ ബട്ടർ - ബ്രെഡ് ടോസ്റ്റ് ചെയ്യാൻ

തയ്യാറാക്കുന്ന വിധം:
ആദ്യം ബ്രെഡ് സ്ലൈസുകളുടെ ഒരു വശത്ത് അല്പം പിസ്സ സോസോ ടൊമാറ്റോ കെച്ചപ്പോ നന്നായി തേച്ചുപിടിപ്പിക്കുക.

ഇതിന് മുകളിലായി ചെറുതായി അരിഞ്ഞ സവാള, ക്യാപ്‌സികം, തക്കാളി എന്നിവ വിതറുക. (കുട്ടികൾക്ക് ഇഷ്ടമുള്ള പനീറോ സ്വീറ്റ് കോണോ വേണമെങ്കിൽ ചേർക്കാം). പച്ചക്കറികൾക്ക് മുകളിലായി ധാരാളം ചീസ് വിതറിക്കൊടുക്കുക.

ഒരു നോൺ-സ്റ്റിക് പാൻ അടുപ്പത്ത് വെച്ച് അല്പം ബട്ടർ തടവുക. തീ കുറച്ച് വെക്കണം. തയ്യാറാക്കി വെച്ച ബ്രെഡ് പാനിൽ വെച്ച് ഒരു മൂടി കൊണ്ട് അടച്ചു വെക്കുക. ഏകദേശം 2-3 മിനിറ്റ് കഴിയുമ്പോൾ ചീസ് ഉരുകി വരുന്നത് കാണാം. ചീസ് നന്നായി ഉരുകിക്കഴിഞ്ഞാൽ പാനിൽ നിന്ന് മാറ്റാം. ചൂടോടെ കഴിക്കാം!