വഴുതനങ്ങയുടെ രുചി ഇഷ്ടമല്ലേ? ഇങ്ങനെ ചെയ്തുനോക്കൂ. പ്ലേറ്റ് കാലിയാകുന്ന വഴി കാണില്ല

ആവശ്യമായ സാധനങ്ങൾ

• വഴുതനങ്ങ നേരിയ കനത്തിൽ വട്ടത്തിൽ അരിഞ്ഞത് :ഒന്ന്
• കടലമാവ്: ഒരു കപ്പ്
• അരിപ്പൊടി: അരക്കപ്പ്
• പച്ചമുളക് അരിഞ്ഞത് :ഒന്ന്
• മല്ലിയില അരിഞ്ഞത് : ഒരു ടേബിൾ സ്പൂൺ
• മഞ്ഞൾപ്പൊടി : അരടീസ്പൂൺ
• മുളകുപൊടി: അരടീസ്പൂൺ
• കായപ്പൊടി :ഒരു നുള്ള്
• വെളിച്ചെണ്ണ, വെള്ളം, ഉപ്പ്: ആവശ്യത്തിന്

തയ്യാറാക്കുന്ന വിധം

• വെളിച്ചെണ്ണ ഒഴികെയുള്ള ചേരുവകൾ ഒരു പാത്രത്തിൽ എടുത്ത്
  ആവശ്യത്തിന് വെള്ളവും ഉപ്പും ചേർത്ത് ഇളക്കി മാവാക്കണം.
• വഴുതനങ്ങ കഷണങ്ങൾ ഈ മാവിൽ മുക്കി വെളിച്ചെണ്ണയിൽ നല്ല ബ്രൗൺനിറമാകുന്നതുവരെ വറുത്തെടുത്തോളൂ. വഴുതനങ്ങ പക്കോട തയ്യാർ.
• ചൂടോടെ ചമ്മന്തിയോടെ സോസോ കൂട്ടി കഴിക്കാം.