അമ്മിണിക്കോഴി അടയിരുന്നു

To advertise here,

ആറ്റുനോറ്റുണ്ടായി ആറു മക്കൾ

അമ്മയും മക്കളും അന്നൊരുനാൾ

ചിക്കിച്ചികഞ്ഞു നടനടക്കേ

തക്കത്തിലുണ്ടൊരു ചെമ്പരുന്ത്

പാഞ്ഞങ്ങടുത്തു പശിയടക്കാൻ

കുഞ്ഞുങ്ങളെമ്പാടും ചുറ്റിയോടി

കരിയിലക്കാട്ടിലൊളിച്ചിരുന്നു

അമ്മിണിക്കോഴി പറന്നുയർന്നു

വീറോടെ ദേഷ്യത്തിൽ ചെന്നണഞ്ഞു

റാഞ്ചാനടുത്തൊരു ചെമ്പരുന്തോ

കൊത്തും കൊണ്ടങ്ങു പറപറന്നു!