ചെമ്പേരി : ഏരുവേശ്ശി പഞ്ചായത്ത് ഓഫീസിലേക്ക് എളുപ്പത്തിലെത്താൻ ചെമ്പേരി ലൂർദ് മാതാ ബസിലിക്കയുടെ മുന്നിലെ മൈതാനത്തിനടുത്തെ തോടിന് കുറുകെ നടപ്പാലം ഒരുങ്ങി.
ടൗണിന്റെ സമീപത്ത് തന്നെയുള്ള ഗ്രാമപ്പഞ്ചായത്ത് ഓഫീസിലെത്തുന്ന പൊതുജനങ്ങളുടെ ഏറെക്കാലങ്ങളായുള്ള ആഗ്രഹമായിരുന്നു ഓഫീസ് മുറ്റത്തേക്ക് എളുപ്പത്തിലെത്തുന്ന നടപ്പാത. പഞ്ചായത്ത് ഓഫീസിനോട് ചേർന്ന് പ്രവർത്തിച്ചുവരുന്ന കൃഷിഭവൻ, വി.ഇ.ഒ. ഓഫീസ് എന്നിവ കൂടാതെ സമീപത്തായി പുതിയ കെട്ടിടം നിർമിച്ച് വില്ലേജ് ഓഫീസും പ്രവർത്തിച്ചു തുടങ്ങിയതോടെ വിവിധ ആവശ്യങ്ങൾക്കായി ഈ ഓഫീസുകളിലെത്തുന്നവർക്ക് വാഹനങ്ങൾ പാർക്ക് ചെയ്യാനിടമില്ലാത്ത അവസ്ഥയായിരുന്നു.
വിവിധ ഭാഗങ്ങളിൽ നിന്ന് ടൗണിലേക്കെത്തുന്ന റോഡുകളുടെ വശങ്ങളിൽ വാഹനങ്ങൾ നിർത്തിയ ശേഷം വയോജനങ്ങളും ഭിന്നശേഷിക്കാരും അടക്കമുള്ളവർ ഏറെ ദൂരം നടന്നാണ് ഓഫീസുകളിൽ എത്തിയിരുന്നത്. ഈ ദുരിതാവസ്ഥക്ക് പരിഹാരമായി ബസിലിക്ക മൈതാനത്തുനിന്ന് നടപ്പാലം നിർമിച്ചത്.
നടപ്പാലം നിർമിക്കാൻ ബസിലിക്ക റെക്ടർ ഫാ. തോമസ് തയ്യിൽ അനുമതി നൽകിയതോടെയാണ് പദ്ധതി യാഥാർഥ്യമായത്.
Published: 20 Nov 2026, 04:00 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented