അസ്വസ്ഥമായ ഉറക്കം, പബ്ലിക് ടോയ്ലറ്റ് ഉപയോഗിക്കാനുള്ള വിമുഖത; ആർത്തവ ദിനങ്ങളെക്കുറിച്ച് സ്ത്രീകൾ

ആർത്തവദിനം അടുക്കുമ്പോഴേക്കും ആശങ്കയോടെ കഴിയുന്ന സ്ത്രീകളുണ്ട്. വേദനയും മൂഡ്സ്വിങ്സും പുറത്തും മറ്റും പോകുമ്പോൾ സാനിറ്ററി നാപ്കിൻ മാറ്റുന്നത് ഉൾപ്പെടെയുള്ള കാര്യങ്ങൾ ആശങ്കകൾക്ക് ആക്കം കൂട്ടുന്നു. ഇപ്പോഴിതാ പുതിയൊരു സർവേ പ്രകാരം ആർത്തവം സംബന്ധിച്ച സ്ത്രീകളുടെ പ്രധാന ആശങ്കകൾ എന്തൊക്കെയാണെന്ന് പങ്കുവെച്ചിരിക്കുകയാണ്.

ഒരു ഫെമിനൈൻ ഹൈജിൻ ബ്രാൻ‍ഡ് നടത്തിയ സർവേയിലാണ് ആർത്തവം സംബന്ധിച്ച സ്ത്രീകളുടെ ആകുലതകൾ പുറത്തുവന്നിരിക്കുന്നത്. അസ്വസ്ഥമായ ഉറക്കം, ആർത്തവ വേദന, വൃത്തിഹീനമായ പബ്ലിക് ടോയ്ലറ്റുകൾ തുടങ്ങിയവയാണ് പലരുടെയും പ്രധാന ആശങ്കകൾ. 

Also Read

ചെറിയ ലക്ഷണങ്ങൾ കണ്ടാലുടൻ ചികിത്സ തേടണം; എന്താണ് വെസ്റ്റ് നൈൽ ?

സംസ്ഥാനത്ത് കോവിഡ് കേസുകൾ ഏറുന്നു, ഒമിക്രോൺ കണ്ടെത്താൻ ആന്റിജൻ പോര

രക്താതിമർദം വളരെ അധികമെങ്കിൽ ചികിത്സ തുടങ്ങാൻ ഒട്ടും വൈകരുത്

ചിലര്‍ക്ക് ചെറിയ സ്‌പോട്ടിങ്, മറ്റുചിലര്‍ക്ക് നല്ല ബ്ലീഡിങ്; നേരം തെറ്റി നേരത്തെ എത്തുന്ന ആര്‍ത്തവം

മങ്കിപോക്സും കുരങ്ങുപനിയും ഒന്നാണോ?; അറിയാനുണ്ട് ഏറെ, കരുതാനും

ഉറക്കത്തിനിടയിൽ സാനിറ്ററി നാപ്കിനു പുറത്തേക്ക് രക്തം ലീക് ചെയ്യുന്നുണ്ടോ എന്ന ആശങ്ക കാരണം മതിയായ ഉറക്കം ലഭിക്കാറില്ലെന്ന് 67.5 ശതമാനം പേർ അഭിപ്രായപ്പെടുന്നു. ആർത്തവത്തിന്റെ ആദ്യ രണ്ടുദിനങ്ങളിൽ വേണ്ടത്ര ഉറക്കം ലഭിക്കാറില്ലെന്ന് 53.2 ശതമാനം പേർ പറയുന്നു. 

സർവേയിൽ പങ്കെടുത്ത 57.3 ശതമാനത്തോളം പേർ മിതവും കഠിനവുമായ ആർത്തവ വേദനയുണ്ടാകാറുണ്ട് എന്ന് പങ്കുവെക്കുന്നു. 37.2 ശതമാനം പേർക്ക് വളരെ കുറഞ്ഞ ആർത്തവ വേദനയും അനുഭവപ്പെടുന്നുവെന്ന് പങ്കുവെച്ചു. 

പൊതുസ്ഥലങ്ങളിലെ ശുചിമുറികളിൽ നിന്ന് സാനിറ്ററി നാപ്കിൻ മാറുന്നതിനോട് വൈമുഖ്യം പ്രകടിപ്പിച്ചവരാണ് ഏറെയും. ഓഫീസുകളിലെയും മാളുകളിലെയുമൊക്കെ പൊതു ടോയ്ലറ്റുകളിൽ നിന്ന് നാപ്കിൻ തീരെ കുറവോ ഒട്ടും മാറ്റാതെയോ ഇരുന്നവരാണ് ഏറെയും. 

പബ്ലിക് ടോയ്ലറ്റുകളിൽ നിന്ന് സാനിറ്ററി പാ‍ഡ് മാറ്റുമ്പോൾ അസ്വസ്ഥമാകാറുണ്ടെന്ന് 74.6 ശതമാനം പേർ വ്യക്തമാക്കി. വൃത്തിഹീനമായ ശുചിമുറികൾ ഉപയോ​ഗിക്കുമ്പോൾ ഉണ്ടായേക്കാവുന്ന യൂറിനറി ഇൻഫെക്ഷനെക്കുറിച്ച് 88.3 ശതമാനം പേരും ആശങ്ക വ്യക്തമാക്കി. 

ഇരുപത്തിരണ്ടു ശതമാനത്തോളം പേർക്ക് മൂന്നുദിവസത്തിനുള്ളിൽ ആർത്തവം നിന്നപ്പോൾ 1.8 ശതമാനം പേർക്ക് എട്ടുദിവസത്തിൽ കൂടുതൽ രക്തസ്രാവം നിൽക്കുന്നുവെന്ന് വ്യക്തമാക്കി. 

ഡൽഹി, മുംബൈ, ബെം​ഗളൂരു, ഹൈദരാബാദ്, ചെന്നൈ, പട്ന, അഹമ്മദാബാദ്, വഡോദര, സൂററ്റ്, ഭോപ്പാൽ, ഇൻഡോർ, ​ഗുവാഹാത്തി, ജയ്പൂർ, അമൃത്സർ, ലുധിയാന, കൊൽക്കത്ത തുടങ്ങി മുപ്പത്തിയഞ്ചോളം ന​ഗരങ്ങളിൽ നിന്നുള്ള പതിനെട്ടിനും മുപ്പത്തിയഞ്ചിനും ഇടയിൽ പ്രായമുള്ള സ്ത്രീകളാണ് സർവേയിൽ പങ്കെടുത്തത്.