ഭക്ഷണപ്രിയരുടെ ഇഷ്ടതാരമാണ് അന്നാമ്മ ചേടത്തി. യൂട്യൂബില് അന്നാമ്മ ചേടത്തിയുടെ ചാനല് കാണാത്തവര് അവരിലാരും ഉണ്ടാവില്ല. നാടന് ഭക്ഷണത്തോട് ഇഷ്ടമുള്ളവര്ക്കായി അന്നാമ്മ ചേടത്തിയുടെ സ്പെഷ്യല് മീന്കറി റസിപ്പി.
ചേരുവകള്
- മീന്, കഷണങ്ങളാക്കിയത്- ഒരു കിലോ
- എണ്ണ- മൂന്ന് ടേബിള് സ്പൂണ്
- കടുക്- ഒരു ടീസ്പൂണ്
- ഉലുവ- ഒരു ടീസ്പൂണ്
- ഇഞ്ചി ചതച്ചത്- ഒരു ടേബിള് സ്പൂണ്
- വെളുത്തുള്ളി ചതച്ചത്- ഒന്നര ടേബിള് സ്പൂണ്
- മുളകുപൊടി- രണ്ട് ടേബിള് സ്പൂണ്
- കാശ്മീരി മുളക്പൊടി- മൂന്ന് ടേബിള് സ്പൂണ്
- മഞ്ഞള്പൊടി- പാകത്തിന്
- ഉപ്പ്- പാകത്തിന്
- കുടംപുളി- 100 ഗ്രാം
- കറിവേപ്പില- ആവശ്യത്തിന്
തയ്യാറാക്കുന്ന വിധം
ഒരുപാനില് എണ്ണയൊഴിച്ച് ചൂടാവുമ്പോള് കടുകും ചതച്ച ഉലുവയും പൊട്ടിക്കുക. ഇനി ഇഞ്ചിയും വെളുത്തുള്ളിയും ചതച്ചത് ഇട്ട് മൂപ്പിച്ചെടുക്കാം. തീ കുറച്ച ശേഷം മുളക്പൊടി, മഞ്ഞള്പൊടി, കാശ്മീരി മുളക്പൊടി എന്നിവ ചേര്ത്ത് പച്ചമണം മാറും വരെ ഇളക്കാം.
ശേഷം കുടംപുളി ഉരുക്കി നീരെടുത്തത് ഒഴിച്ച് ഈ കൂട്ട് തിളപ്പിക്കാം. അതിലേക്ക് മീന് കഷണങ്ങള് ചേര്ക്കാം. പാകത്തിന് ഉപ്പിട്ട് പാത്രം അടച്ചു വെച്ച് വേവിക്കാം. മീന് വെന്ത ശേഷം കറിവേപ്പില ചേര്ക്കാം. ഇനി പാത്രം തുറന്ന് വച്ച് തിളപ്പിച്ച് ചാറ് വറ്റിച്ച ശേഷം ചൂടോടെ വിളമ്പാം.
കൂടുതല് പാചകക്കുറിപ്പുകളറിയാന് ഗൃഹലക്ഷ്മി വാങ്ങാം
Content Highlights: Special naadan fish curry recipe prepared by Annammachedathi
Published: 02 Nov 2020, 01:20 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented