ലോകത്തെ ഏറ്റവും മികച്ച സ്ട്രീറ്റ് ഫുഡ് പട്ടികയില്‍ മലയാളിയുടെ പ്രിയപ്പെട്ട ഭക്ഷണവും

ബഹിരാകാശദൗത്യം പൂര്‍ത്തിയാക്കി ഭൂമിയില്‍ തിരിച്ചെത്തിയ സുനിത വില്യംസിന് 'മധുരം' നല്‍കാന്‍ കേരളത്തിലെ ഒരു പ്രമുഖ ഭക്ഷണ ശൃഖല തയ്യാറാകുന്ന വാര്‍ത്ത മലയാളികളെ തേടിയെത്തിയത് ഈ അടുത്താണ്. 

ജനപ്രിയ ഫുഡ് ഗൈഡായ ടേസ്റ്റ് അറ്റ്ലസ് ലോകത്തിലെ മികച്ച 50 സ്ട്രീറ്റ് ഫുഡ് വിഭവങ്ങളുടെ പട്ടിക പുറത്തുവിട്ടപ്പോഴും മലയാളിക്ക് സന്തോഷിക്കാൻ വകയുണ്ട്. ഇന്ത്യയിലെ മൂന്ന് വിഭവങ്ങളുള്ള പട്ടികയിൽ ഇഷ്ട വിഭവവും ഇടം നേടിയിരിക്കുകയാണ്. 

40-ാം സ്ഥാനം ഛോലെ ബട്ടൂരെയും ആറാം സ്ഥാനം അമൃത്സാരി കുല്‍ഛയും കരസ്ഥമാക്കിയപ്പോള്‍ അഞ്ചാം സ്ഥാനം നേടിയത് മലയാളികളുടെ സ്വന്തം പൊറോട്ടെയാണ്. വടക്കന്‍ മലബാറിൽ വേരുകളുളള പൊറോട്ട ശ്രീലങ്കന്‍ തമിഴ് അതിഥി തൊഴിലാളികളിലൂടെ തെക്കേ ഇന്ത്യയിലേക്കും പല പേരിലും ശൈലിയിലും വ്യാപിക്കുകയായിരുന്നു. 

ഛോലെ ബട്ടൂരെ| ഫോട്ടോ: canva.com

പിന്നീട് പൊരിച്ച പൊറോട്ടയായി വരെ പൊറോട്ടയ്ക്ക് പരിണാമം സംഭവിച്ചു. ടേസ്റ്റ് അറ്റ്ലസ് തന്നെ പുറത്തുവിട്ട ലോകത്തെ മികച്ച 50 ബ്രെഡ് വിഭവങ്ങളുടെ പട്ടികയിലും പൊറോട്ട ഇടം നേടിയിരുന്നു. അല്‍ജീരിയന്‍ വിഭവമായ ഗരാറ്റീറ്റയാണ് പട്ടികയില്‍ ഒന്നാം സ്ഥാനത്ത്. 

അമൃത്സാരി കുൽഛ