ലോകത്തെ ഏറ്റവും മികച്ച അപ്പ(ബ്രെഡ്)വിഭവമായി തിരഞ്ഞെടുക്കപ്പെട്ടത് ഇന്ത്യയില്‍നിന്നുള്ള ബട്ടര്‍ ഗാര്‍ലിക് നാന്. പ്രമുഖ ഓണ്‍ലൈന്‍ ഫുഡ് ഗൈഡായ ടേസ്റ്റ് അറ്റ്‌ലസ് പുറത്തുവിട്ട ലോകത്തെ മികച്ച 50 ബ്രെഡ് വിഭവങ്ങളുടെ പട്ടികയിലാണ് ഇന്ത്യയില്‍നിന്നുള്ള ബട്ടര്‍ ഗാര്‍ലിക് നാന് ഒന്നാമതെത്തിയത്. ഇന്ത്യയില്‍നിന്നുള്ള 'അമൃത്സരി കുല്‍ച്ച'യാണ് പട്ടികയില്‍ രണ്ടാമതുള്ളത്. നമ്മുടെ സ്വന്തം പൊറോട്ട ആറാമതായും നാന് എട്ടാമതായും പറാത്ത 18-ാമതായും ബട്ടൂര 26-ാമതായും ആലൂ നാന് 28-ാമതായും പട്ടികയില്‍ ഇടംപിടിച്ചിട്ടുണ്ട്.
ലോകത്തെ വിവിധ ബ്രെഡ് വിഭവങ്ങളില്‍നിന്നാണ് മികച്ച 50 എണ്ണം ടേസ്റ്റ് അറ്റ്‌ലസ് തിരഞ്ഞെടുത്തിരിക്കുന്നത്. പട്ടികയിലെ ആദ്യ രണ്ടുസ്ഥാനങ്ങള്‍ ഇന്ത്യയില്‍നിന്നുള്ള വിഭവങ്ങള്‍ സ്വന്തമാക്കിയപ്പോള്‍ തുര്‍ക്കിയില്‍നിന്നുള്ള 'ചാര്‍സാംബെ പിദേസേ' ആണ് പട്ടികയില്‍ മൂന്നാമതുള്ളത്. മലേഷ്യയില്‍നിന്നുള്ള 'റൊട്ടി കനായ്' നാലാമതായും കൊളംബിയന്‍ വിഭവമായ 'പാന്‍ ദെ ബോണോ' അഞ്ചാമതായും പട്ടികയില്‍ ഇടംനേടി.
Content Highlights: TasteAtlas ranks Indian Butter Garlic Naan as the world`s best bread.
Published: 22 Mar 2025, 04:12 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented