പ്രകൃതിദത്തമായ ശീതളപാനീയമായ ഇളനീരിന് നിരവധി ആരോഗ്യഗുണങ്ങളുണ്ട്. ശരീരത്തില് ജലാംശം കുറയുന്നത് പരിഹരിക്കാന് ഏറ്റവും നല്ല മാര്ഗമാണ് ഇളനീര് ഡയറ്റില് പതിവായി ഉള്പ്പെടുത്തുന്നത്.മഗ്നീഷ്യം, പൊട്ടാസ്യം, സോഡിയം , വിറ്റാമിന് സി, കാത്സ്യം, ഫൈബറുകള് എന്നിവയാല് സമ്പന്നമാണ് ഇളനീര്.
ശരീരഭാരം കുറയ്ക്കാന് ആഗ്രഹിക്കുന്നവര് ഭക്ഷണത്തിന് മുമ്പ് ഒരു ഗ്ലാസ് ഇളനീര് കുടിക്കുന്നത് വളരെ നല്ലതാണ് ഇത്തരത്തില് ഇളനീര് കുടിക്കുന്നത് അമിതമായി ഭക്ഷണം കഴിക്കുന്നതിനെ തടയുകയും ശരീരഭാരം കുറയ്ക്കാന് ഗുണകരമാകുകയും ചെയ്യും. ഇളനീര് കുടിക്കുന്നത് ചര്മത്തിന്റെ ആരോഗ്യത്തിനും ഏറെ നല്ലതാണ്.
Also Read
ആന്റി ഓക്സിഡന്റുകളുടെയും വിറ്റാമിനുകളുടെയും മിനറലുകളുടെയും കലവറയായ ഇളനീര് ഗര്ഭിണികള്ക്കും കുടിക്കാവുന്ന ഒരു പാനീയമാണ്. പ്രതിരോധശേഷി വര്ധിപ്പിക്കാനും ഇത് വളരെ നല്ലതാണ്. പൊട്ടാസ്യം ധാരാളം അടങ്ങിയ ഇളനീര് കുടിക്കുന്നത് ഉയര്ന്ന രക്തസമ്മര്ദ്ദത്തെ കുറയ്ക്കാന് ഗുണകരമാണ്.
ഹൃദയാരോഗ്യം സംരക്ഷിക്കാനും ഇത് ഗുണം ചെയ്യും. ഇളനീര് ഫാറ്റ് ഫ്രീയാണ്. മധുരമുണ്ടെങ്കിലും പഞ്ചസാരയുടെ അളവ് താരതമ്യേന ഇതില് കുറവാണ്. കൂടാതെ രക്തത്തിലെ പഞ്ചസാരയുടെ അളവിനെ നിയന്ത്രിക്കാന് ഇത് ഗുണകരമാണ്. വൃക്കകളുടെ ആരോഗ്യം സംരക്ഷിക്കാനും ഇളനീര് ഡയറ്റില് ഉള്പ്പെടുത്താം.
(ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ഭക്ഷണക്രമത്തില് മാറ്റം വരുത്തുക.)
Content Highlights: health benefits ,coconut water,food,weight management
Published: 08 Jan 2024, 10:18 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented