പൊറോട്ട ഇഷ്ടമില്ലാത്തവരുണ്ടാവില്ല. എങ്കില്‍ പൊറോട്ട മാസ്‌കിന്റെ രൂപത്തിലായാലോ... മധുരയിലെ ഒരു റസ്‌റ്റൊറന്റിലാണ് മാസ്‌കിന്റെ രൂപത്തിലുള്ള ചൂട് പൊറോട്ടകള്‍ വിളമ്പുന്നത്. കൊറോണ വൈറസിനെതിരെ ബോധവത്ക്കരണം നടത്താന്‍ വേണ്ടിയാണ് ഈ മാസ്‌ക് പൊറോട്ടകള്‍.
ടെമ്പിള്‍ സിറ്റിയിലെ വലിയ ഹോട്ടലുകളിലൊന്നാണ് ഇത്. ' മാസ്‌ക് പൊറോട്ട ചൊവ്വാഴ്ച രാവിലെയാണ് നല്‍കിത്തുടങ്ങിയത്. ഉച്ചയോടെ കൂടുതല്‍ ആളുകള്‍ തിരക്കി വന്നു തുടങ്ങി.' ഹോട്ടലിന്റെ ഉടമയായ കെ.എല്‍ കുമാര്‍ പറയുന്നു.
പൊതുവിടങ്ങളില്‍ ആളുകളെ മാസ്‌ക് ധരിക്കാന്‍ പ്രേരിപ്പിക്കുകയാണ് പൊറോട്ടയുടെ ലക്ഷ്യം. ആളുകള്‍ക്ക് ഈ രോഗത്തെ തടയുന്നതിനെ പറ്റി കൂടുതല്‍ ബോധവത്ക്കരണം നടത്തുകയാണ് ഇപ്പോള്‍ വേണ്ടതെന്നും കുമാര്‍.
മാസ്‌ക് പൊറോട്ടക്ക് നൂറുകണക്കിന് ഓര്‍ഡറുകള്‍ ഇപ്പോള്‍ ലഭിക്കുന്നുണ്ട്. പ്രത്യേകിച്ചും കുട്ടികളുടേത്. ഒരു പൊറോട്ട സെറ്റിന് 50 രൂപയാണ് ഇപ്പോള്‍ ഈടാക്കുന്നത്. പല ഫുഡ് ഡെലിവറി ആപ്പുകളിലും ഈ പൊറോട്ട ഓര്‍ഡര്‍ ചെയ്യാനാവും.
Content Highlights: a hotel in tamilandu includes mask parotta in their menu for corona virus awareness
Published: 08 Jul 2020, 02:35 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented