ഇന്ത്യയിലെ തെരുവ് ഭക്ഷണം വൈവിധ്യമേറിയതാണ്. പാസ്ത ദോശ, ഐസ്‌ക്രീം വട പാവ് എന്നിങ്ങനെ ചില വിഭവങ്ങള്‍ ഫ്യൂഷന്‍ രീതിയില്‍ നമുക്കു മുന്നിലെത്തിക്കുന്ന കച്ചവടക്കാരും ധാരാളമുണ്ട്. ഈ അടുത്തിടെ വൈറലായ ഫ്‌ളൈയിങ് ദോശപോലെ വൈറലാകുന്ന ഭക്ഷണവും വില്‍പനക്കാരും ഏറെയുണ്ട്. ഇന്‍ഡോറിലെ ഒരു കുല്‍ഫി- ഫലൂദ വില്‍പ്പനക്കാരനാണ് ഇപ്പോള്‍ സമൂഹമാധ്യമങ്ങളുടെ മനസ്സ് കീഴടക്കുന്നത്.
ഭക്ഷണത്തിനൊപ്പം സ്വര്‍ണാഭരണങ്ങള്‍ക്കും പ്രസിദ്ധമാണ് ഇന്‍ഡോര്‍. അതിനാലാണ് കൈകളില്‍ നിറയെ സ്വര്‍ണാഭരണങ്ങളണിഞ്ഞ് ഇയാള്‍ കുല്‍ഫി ഫലൂദ വില്‍പ നടത്തുന്നത്. ഫുഡ് ബ്ലോഗര്‍ അമര്‍ സിരോഹിയാണ് ഈ ആഭരണങ്ങളണിഞ്ഞ കച്ചവടക്കാരനെ ലോകത്തിന് പരിചയപ്പെടുത്തുന്നത്. കൈമുട്ടു വരെ നീളുന്ന പലതരത്തിലുള്ള വളകളും ചെയിനുകളും, വിരലുകളിലെല്ലാം മോതിരങ്ങള്‍, കഴുത്തില്‍ നിറയെ മാലകള്‍... ഇങ്ങനെ ഒരു കല്യാണപ്പെണ്ണിന്റെ മട്ടിലാണ് ഇദ്ദേഹം കടയില്‍ നില്‍ക്കുന്നത്.
ഇന്‍ഡോറിലെ പ്രശസ്തമായ കുല്‍ഫി-ഫലൂദ വില്‍പ്പക്കാരില്‍ ഒരാളാണ് ഈ 'ഗോള്‍ഡ്മാന്‍ കുല്‍ഫി വാല'. ശരിയായ പേര് നേമ കുല്‍ഫി വാല. ഇത്രയധികം സ്വര്‍ണമണിഞ്ഞതിനാലാണ് നേമയ്ക് ഈ പേര് വന്നത്. 45 വര്‍ഷത്തിലധികമായി നേമ ഇവിടെ കുല്‍ഫിക്കട നടത്തുന്നു. കേസര്‍, ബദാം, മാമ്പഴം, സീതാഫാല്‍, കാജു ഇങ്ങനെ പലരുചികളിലുള്ള കുല്‍ഫി ഇവിടെ ലഭിക്കുമെന്നും ബ്ലോഗര്‍ പറയുന്നുണ്ട്. മുപ്പത്തിരണ്ട് മില്യണിലധികം ആളുകള്‍ വീഡിയോ കണ്ടുകഴിഞ്ഞു.
Content Highlights: Indore Kulfi-Faluda Seller With Heavy Gold Jewellery
Published: 12 May 2021, 01:10 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented