സിഡ്‌നി : കാലാവസ്ഥാവ്യതിയാനത്തെ ചെറുക്കാന്‍ ജീവജാലങ്ങള്‍ 'ഷേപ്പ് മാറ്റുന്നതായി' പഠനം. അന്തരീക്ഷതാപനില കൂടിവരുന്നതിനൊത്ത് പക്ഷികളുടെയും മൃഗങ്ങളുടെയും ഉരഗങ്ങളുടെയും പ്രാണികളുടെയുമെല്ലാം ആകൃതി മാറുന്നുണ്ടെന്ന് ഓസ്‌ട്രേലിയയിലെ ഡീകിന്‍ സര്‍വകലാശാല നടത്തിയ പഠനത്തിലാണ് കണ്ടെത്തിയിരിക്കുന്നത്.
ഉഷ്ണരക്തജീവികള്‍ക്ക് കൊക്കിന്റെയും കാലുകളുടെയും ചെവികളുടെയും വലുപ്പം കൂടുന്നതായാണ് വിലയിരുത്തല്‍. 1871 മുതല്‍ ഓസ്‌ട്രേലിയന്‍ തത്തയുടെ കൊക്ക് നാലുമുതല്‍ പത്തുശതമാനംവരെ വലുതായി. മരയെലികള്‍ക്ക് വാലിന്റെ നീളം കൂടിവരുന്നുണ്ട്. മാസ്‌ക്ഡ് ഷ്ര്യൂസ് എന്ന തരം ചുണ്ടെലിക്ക് വാലും കാലുകളും വലുതാകുന്നു. വവ്വാലുകളുടെ ചിറകുകള്‍ക്കും വലുപ്പംകൂടുന്നു. ചൂടുകാലാവസ്ഥയെ തടുക്കാന്‍ പക്ഷികളുടെ കൊക്ക് വലുപ്പംവെക്കാറുണ്ടെന്ന് കൊല്ലങ്ങള്‍ക്കുമുമ്പേ കണ്ടെത്തിയിട്ടുണ്ട്.
മാറുന്ന കാലാവസ്ഥയ്‌ക്കൊത്ത് ശരീരം തണുപ്പിക്കാന്‍ ജീവികള്‍ക്ക് സംഭവിക്കുന്ന സ്വാഭാവികപരിണാമമാണിത്. കാലാവസ്ഥാ വ്യതിയാനംമാത്രമാണോ രൂപമാറ്റത്തിന് കാരണമെന്ന് പറയാനാവില്ലെന്നും മറ്റുഘടകങ്ങളുമുണ്ടാകാമെന്നും ഡീകിന്‍ സര്‍വകലാശാലയിലെ സാറ റൈഡിങ് പറഞ്ഞു.
content highlights: evolution in birds to adjust with global warming
Published: 09 Sept 2021, 10:46 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented