കേന്ദ്ര ആറ്റോമിക് എനർജി വകുപ്പിനു കീഴിലുള്ള ഡീംഡ്-ടു-ബി യൂണിവേഴ്സിറ്റിയായ ടാറ്റ ഇൻസ്റ്റിറ്റ്യൂട്ട് ഓഫ് ഫണ്ടമെന്റൽ റിസർച്ച് (ടി.ഐ.എഫ്.ആർ.) ഫിസിക്സ്, കെമിസ്ട്രി, ഗണിതം, ബയോളജി, കംപ്യൂട്ടർ സയൻസ് ആൻഡ് ലേണിങ്, ഇൻഫർമേഷൻ ആൻഡ് ഡേറ്റ സയൻസസ് (എൽ.ഐ.ഡി.എസ്) തുടങ്ങിയ വിഷയങ്ങളിൽ പിഎച്ച്.ഡി./ഇന്റഗ്രേറ്റഡ്‌ പിഎച്ച്.ഡി.(ഐ-പിഎച്ച്.ഡി.) പ്രവേശനത്തിന് അപേക്ഷ ക്ഷണിച്ചു. ഒക്ടോബർ 25-ന് രാത്രി 11 വരെ അപേക്ഷിക്കാം.

To advertise here,

കേന്ദ്രങ്ങൾ

മുംബൈ ടി.ഐ.എഫ്.ആർ., എച്ച്.ബി.സി.എസ്.ഇ. (ഹോമി ഭാഭാ സെന്റർ ഫോർ സയൻസ് എജ്യുക്കേഷൻ); ബെംഗളൂരുവിലെ സി.എ.എം. (സെന്റർ ഫോർ ആപ്ലിക്കബിൾ മാത്തമാറ്റിക്സ്), ഐ.സി.ടി.എസ്. (ഇന്റർനാഷണൽ സെന്റർ ഫോർ തിയററ്റിക്കൽ സയൻസസ്), എൻ.സി.ബി.എസ്. (നാഷണൽ സെന്റർ ഫോർ ബയോളജിക്കൽ സയൻസസ്); പുണെയിലെ എൻ.സി.ആർ.എ. (നാഷണൽ സെന്റർ ഫോർ റേഡിയോ ആസ്ട്രോഫിസിക്സ്); ഹൈദരാബാദിലെ ടി.ഐ.എഫ്.ആർ.എച്ച്.

പ്രവേശന പരീക്ഷ

ഡിസംബർ 13-ന് ആലപ്പുഴ, കൊച്ചി, കോഴിക്കോട്, മലപ്പുറം, തിരുവനന്തപുരം എന്നിവയുൾപ്പെടെ രാജ്യത്ത് 60-ലേറെ കേന്ദ്രങ്ങൾ. രാവിലെ ഒൻപതുമുതൽ സയൻസ് എജുക്കേഷനും സി.എ.എമ്മിലെ പിഎച്ച്.ഡി. ഗണിതവും. ഉച്ചയ്ക്ക് രണ്ടുമുതൽ അഞ്ചുവരെ മറ്റെല്ലാ വിഷയങ്ങളും.

വിഷയം, കേന്ദ്രങ്ങൾ, ജി.എസ്.-2027 പരീക്ഷ/ബദൽ യോഗ്യത

 

* ഫിസിക്സ് (പിഎച്ച്.ഡി./ഐ-പിഎച്ച്.ഡി.): ടി.ഐ.എഫ്.ആർ. മുംബൈ, ഐ.സി.ടി.എസ്., ടി.ഐ.എഫ്.ആർ.എച്ച്., എൻ.സി.ആർ.എ. | ഫിസിക്സ് മാത്രം. ചില പ്രവേശനം ഗേറ്റ്/നെറ്റ്/ജെസ്റ്റ് വഴിയും

 

* കെമിസ്ട്രി (പി.എച്ച്ഡി./ഐ-പി.എച്ച്ഡി.): ടി.ഐ.എഫ്.ആർ. മുംബൈ (ഡി.സി.എസ്.), ടി.ഐ.എഫ്.ആർ.എച്ച്. | കെമിസ്ട്രി; ബദൽ: ബയോളജി (മുംബൈ), ഫിസിക്സ് (ഹൈദരാബാദ്). ഹൈദരാബാദിൽ മാത്രം ഗേറ്റ്/നെറ്റ്/ജെസ്റ്റ്/ജാം

 

* ഗണിതം (പിഎച്ച്.ഡി./ഐ-പിഎച്ച്.ഡി.): ടി.ഐ.എഫ്.ആർ. മുംബൈ (സ്കൂൾ ഓഫ് മാത്സ്), സി.എ.എം., ഐ.സി.ടി.എസ്. (പിഎച്ച്.ഡി. മാത്രം) | ഗണിതം (സി.എ.എം. പിഎച്ച്.ഡി.ക്ക് "പിഎച്ച്.ഡി. അറ്റ് സി.എ.എം."); മറ്റൊന്നും സ്വീകരിക്കില്ല. ഐ.സി.ടി.എസ്.: നെറ്റ് (ഗണിതം) ജെ.ആർ.എഫ്. ഉള്ളവർക്കും അപേക്ഷിക്കാം

 

* അപ്ലൈഡ് ആൻഡ് കംപ്യൂട്ടേഷണൽ മാത്സ് (പിഎച്ച്.ഡി.): സി.എ.എം.-ഐ.സി.ടി.എസ്. | ഗണിതം; ഗേറ്റ്/നെറ്റ്/ജെസ്റ്റ് വഴിയും പ്രവേശനം

 

* ബയോളജി (പിഎച്ച്.ഡി./ഐ-പിഎച്ച്.ഡി.): ടി.ഐ.എഫ്.ആർ. മുംബൈ (ഡി.ബി.എസ്.), എൻ.സി.ബി.എസ്., ടി.ഐ.എഫ്.ആർ.എച്ച്. | ബയോളജി (ജെ.ജി.ഇ.ഇ.ബി.ഐ.എൽ.എസ്.); ബദൽ: ഡി.ബി.എസ്.-എൽ.ഐ.ഡി.എസ്, എൻ.സി.ബി.എസ്.-കെമിസ്ട്രി, ഹൈദരാബാദ്-ഫിസിക്സ്. ജെ.ആർ.എഫ്. (സി.എസ്.ഐ.ആർ./ഡി.ബി.ടി./ഐ.സി.എം.ആർ./യു.ജി.സി.), ഗേറ്റ് ആദ്യ 5 ശതമാനം. ഗേറ്റ് ആദ്യ 10ശതമാനം, ജെ.ആർ.എഫ്. ഇല്ലാത്ത നെറ്റ് എന്നിവയ്ക്ക് ആറ് മാസ ഗവേഷണപരിചയം വേണം

 

* കംപ്യൂട്ടർ സയൻസ് ആൻഡ് എൽ.ഐ.ഡി.എസ് (പിഎച്ച്.ഡി./ഐ-പിഎച്ച്.ഡി.): ടി.ഐ.എഫ്.ആർ. മുംബൈ (എസ്.ടി.സി.എസ്.) | എൽ.ഐ.ഡി.എസ്. മാത്രം; ബദൽ: ഗേറ്റ് 2025-27 (ഇ.ഇ./ഇ.സി.ഇ./ഗണിതം/ഡേറ്റ സയൻസ് ആൻഡ് എ.ഐ.), ലിങ്ക് 2027 ഫെബ്രുവരി ഒന്നു മുതൽ. രണ്ടും ഉണ്ടെങ്കിൽ മികച്ചത്

 

* ഫിസിക്സ് ഓഫ് ലൈഫ് (പി.എച്ച്ഡി.): ഐ.സി.ടി.എസ്., എൻ.സി.ബി.എസ്. | പ്രത്യേക പരീക്ഷയില്ല: എൽ.ഐ.ഡി.എസ്./ഗണിതം/ഫിസിക്സ് ഏതെങ്കിലും; ഗേറ്റ്/നെറ്റ്/ജെസ്റ്റ് വഴിയും ചില പ്രവേശനം

* സയൻസ് എജുക്കേഷൻ (പിഎച്ച്.ഡി.): എച്ച്.ബി.സി.എസ്.ഇ. മുംബൈ | സയൻസ് എജ്യുക്കേഷൻ; ബദൽ ഇല്ല

 

യോഗ്യത

 

വിഷയം പിഎച്ച്.ഡി. ഐ-പിഎച്ച്.ഡി.

ഫിസിക്സ് 12-ാം ക്ലാസിനുശേഷം അഞ്ച് വർഷത്തെ ഫിസിക്സ് എം.എസ്‌സി./എം.എസ്. ഫിസിക്സ്/ശാസ്ത്രം/എൻജിനിയറിങ് കുറഞ്ഞത് മൂന്നു വർഷ ബിരുദം; മാസ്റ്റേഴ്സുകാർക്ക് ഇല്ല

കെമിസ്ട്രി എം.എസ്‌സി./എം.ടെക്./എം.ഫാം. മൂന്നു വർഷ ബി.എസ്‌സി./ബി.എസ്., അല്ലെങ്കിൽ ശാസ്ത്ര/എൻജിനിയറിങ്/മെഡിക്കൽ ബിരുദം

ഗണിതം ഗണിതം/സ്റ്റാറ്റിസ്റ്റിക്സ്/ശാസ്ത്രം/ടെക്നോളജിയിൽ എം.എ./എം.എസ്.സി./എം.മാത്ത്/എം.സ്റ്റാറ്റ്/എം.ഇ./എം.ടെക്. ബി.എ./ബി.എസ്‌സി./ബി.ഇ./ബി.ടെക്.; ഗണിതം/സ്റ്റാറ്റിസ്റ്റിക്സ് മാസ്റ്റേഴ്സുകാർ പിഎച്ച്.ഡി.ക്കുമാത്രം

അപ്ലൈഡ് ആൻഡ് കംപ്യൂട്ടേഷണൽ മാത്‌സ്‌ ഗണിതം/സ്റ്റാറ്റിസ്റ്റിക്സ്/ശാസ്ത്രം/ടെക്നോളജിയിൽ മാസ്റ്റേഴ്സ് ലഭ്യമല്ല

ബയോളജി ബയോളജി/ഫിസിക്സ്/കെമിസ്ട്രി/സി.എസ്./ഗണിതം മാസ്റ്റേഴ്സ്; എം.ബി.ബി.എസ്., ബി.ഡി.എസ്., എം.ഫാം, എം.ടെക്. ബയോളജി/ഫിസിക്സ്/കെമിസ്ട്രി/സി.എസ്. ബാച്ച്‌ലർ, അല്ലെങ്കിൽ ഏതെങ്കിലും 4 വർഷ ബിരുദം (ബി.ടെക്., ബി.ഇ., ബി.വി.എസ്.സി., ബി.ഫാം); ബയോളജി ഇതര മാസ്റ്റേഴ്സുകാർക്കും

കംപ്യൂട്ടർ സയൻസ് & എൽ.ഐ.ഡി.എസ് സി.എസ്./ഇ.സി.ഇ./ഇ.ഇ./ബന്ധപ്പെട്ട ശാഖ, ഗണിതം, ഫിസിക്സ് എന്നിവയിൽ എം.ടെക്./എം.ഇ./എം.സി.എ./എം.എസ്‌സി.; ഈ ശാഖകളിൽ 75 ശതമാനം അല്ലെങ്കിൽ ജി.പി.എ. 7.5 ഉള്ള നാല് വർഷ ബിരുദം

ഫിസിക്സ് ഓഫ് ലൈഫ് എൻജിനിയറിങ്/ഫിസിക്സ്/കെമിസ്ട്രി/ഗണിതം/സി.എസ്.ബി.ഇ./ബി.ടെക്./എം.ഇ./എം.ടെക്./എം.എസ്‌സി./എം.എസ്. ഇല്ല

സയൻസ് എജുക്കേഷൻ ഏതു വിഷയത്തിലും 12-ാം ക്ലാസിനുശേഷം അഞ്ചുവർഷത്തെ മാസ്റ്റേഴ്സ് (പി.ജി. ഡിപ്ലോമ പോരാ) ഇല്ല

പൊതുവായി മനസ്സിലാക്കേണ്ടവ

യോഗ്യതാ ബിരുദം 2027 ജൂലായ്ക്കകം പൂർത്തിയാക്കുന്ന, നിലവിൽ പഠിക്കുന്നവർക്കും എല്ലാ പ്രോഗ്രാമുകളിലും അപേക്ഷിക്കാം. എന്നാൽ, ഫിസിക്സ് ഐ-പിഎച്ച്.ഡി.ക്ക് മാസ്റ്റേഴ്സ് ഉള്ളവരോ ജൂലായ്ക്കകം നേടുന്നവരോ യോഗ്യരല്ല. അവർക്ക് പിഎച്ച്.ഡി.ക്കേ അപേക്ഷിക്കാനാവൂ.

75ശതമാനം (ജി.പി.എ. 7.5) നേടിയ നാല് വർഷ ബിരുദധാരികൾ നേരിട്ട് പിഎച്ച്.ഡി.ക്ക് ചേർന്നാൽ മാസ്റ്റേഴ്സ് ബിരുദം ലഭിക്കില്ല. മുംബൈ എസ്.ടി.സി.എസ്. മാത്രമാണ് നിലവിൽ അപവാദം. മാസ്റ്റേഴ്സ് കൂടി വേണ്ടവർ ഐ-പിഎച്ച്.ഡി.ക്ക് അപേക്ഷിക്കണം.

ഐ-പിഎച്ച്.ഡി.ക്കാർക്ക് പിഎച്ച്.ഡി.ക്കൊപ്പം എം.എസ്.സി.യും ലഭിക്കും. രണ്ടാം വർഷാവസാനം അറിയിച്ചാൽ എം.എസ്‌സി.യോടെ പുറത്തുപോകാം (വ്യവസ്ഥകൾ മൂന്നാം വർഷാവസാനത്തിനകം).

ഫെലോഷിപ്പും അപേക്ഷയും

പിഎച്ച്.ഡി.: ₹37,000 (രജിസ്ട്രേഷനുശേഷം ₹42,000). ഐ-പിഎച്ച്.ഡി.: ഒന്നാം വർഷം ₹25,000, രണ്ടാം വർഷം ₹37,000, രജിസ്ട്രേഷനുശേഷം ₹42,000. ഹോസ്റ്റൽ സൗകര്യമോ വീട്ടുവാടക അലവൻസോ ലഭിക്കും.

ഫീസ്: പുരുഷന്മാർ ₹1,000; സ്ത്രീകൾ/ട്രാൻസ്‌ജെൻഡർ ₹500. ഇളവിന് പ്രിൻസിപ്പൽ/എച്ച്.ഒ.ഡി. കത്ത്, ഇ.ഡബ്ല്യു.എസ്. സർട്ടിഫിക്കറ്റ്, അല്ലെങ്കിൽ തൊഴിലുടമയുടെ കത്തും സാലറി സ്ലിപ്പും വേണം.

വിവരങ്ങൾക്ക്www.tifr.res.in/academics/

www.tifr.res.in/academics/eligibility.php