കൊച്ചി: ലോക വാർത്താദിനത്തോടനുബന്ധിച്ച് വാർത്താമാധ്യമങ്ങളുടെ പഴയകാലവും പുതിയകാലവും പരിചയപ്പെടുത്തുന്ന വീഡിയോ പ്രകാശനം ചെയ്തു. പൂർണമായും വിദ്യാർഥികളുടെ നേതൃത്വത്തിലാണ് വീഡിയോ ഒരുക്കിയത്. സെപ്റ്റംബർ 28-ന് ആചരിക്കുന്ന ലോക വാർത്താദിനത്തിന്റെ ഭാഗമായാണ് വിദ്യാർഥികൾ വീഡിയോ തയ്യാറാക്കിയത്. വാർത്താ അവതരണത്തിലും മാധ്യമപ്രവർത്തനത്തിലുമുണ്ടായ മാറ്റങ്ങൾ വിവിധ അവതരണരീതികളിലൂടെ വീഡിയോയിൽ അവതരിപ്പിച്ചു.
പഴയകാല വാർത്തകളും പുതിയകാല വാർത്തകളും സംബന്ധിച്ച് വിദ്യാർഥികൾ തമ്മിലുള്ള സംവാദവും വീഡിയോയിൽ ഉൾപ്പെടുത്തി. മാതൃഭൂമി എഡിറ്റർ മനോജ് കെ. ദാസ് ലോക വാർത്താദിനത്തിന്റെ പ്രസക്തിയെക്കുറിച്ച് വിദ്യാർഥികളുമായി സംസാരിച്ചു. കാലത്തിനനുസരിച്ച് മാറുന്ന മാധ്യമ സാങ്കേതികവിദ്യകൾ പഠിക്കേണ്ടതിന്റെ പ്രാധാന്യം വീഡിയോ പ്രകാശനം ചെയ്ത മാതൃഭൂമി ഡോട്ട് കോം ഡെപ്യൂട്ടി എഡിറ്റർ എബി തരകൻ ചൂണ്ടിക്കാട്ടി.
വീഡിയോ കാണാം:
Content Highlights: A video showcasing the evolution of news media, created by students, was released in connection with World News Day on September 28. The video includes discussions among students about old and new news formats, highlighting changes in news presentation and journalism. Mathrubhumi Editor Manoj K. Das and Deputy Editor Abi Tharakan emphasized the importance of understanding evolving media technologies.
Published: 28 Sept 2026, 05:59 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented