കോഴിക്കോട്: ഓക്സ്ഫോർഡ് സ്‌കൂളിലെ കുട്ടികൾ രചിച്ച 115 പുസ്തകങ്ങൾ പ്രകാശനം ചെയ്തു. നോബൽ സമ്മാന ജേതാവും  ഫ്രഞ്ച് അമേരിക്കൻ സാമ്പത്തിക ശാസ്ത്രജ്ഞയുമായ എസ്തർ ദുഫ്ളോയാണ് പുസ്തകങ്ങളുടെ  പ്രകാശനം നിർവ്വഹിച്ചത് . പിന്നീട്  സ്‌കൂളിൽ നടന്ന ചടങ്ങിൽ  കേരള സാഹിത്യ അക്കാദമി അവാർഡ് ജേതാവും എഴുത്തുകാരനുമായ പി സുരേന്ദ്രനും പുസ്തകങ്ങൾ പ്രകാശനം ചെയ്ത്  പ്രഭാഷണം നടത്തി. ഏഷ്യ ബുക്സ് ഓഫ് റെക്കോർഡ്സിൻ്റെ  കേരളത്തിലെ അഡ്ജ്യുറിക്കേറ്ററായ സാം ജോർജ്  സ്‌കൂളിൻ്റെ  ഈ റെക്കോർഡ് ഔദ്യോഗികമായി പ്രഖ്യാപിച്ചു കൊണ്ട് സംസാരിച്ചു . 

To advertise here,

ഓക്സ്ഫോർഡ് സ്‌കൂളിലെ പ്രിൻസിപ്പൽ ഡോ. അനസാണ് ഒരു വർഷം നീണ്ട ഈ പ്രവർത്തനത്തെ നയിച്ചത്. രണ്ടു ദിവസമായി ഓക്സ്ഫോർഡ് സ്‌കൂളിൽ ഓക്സ്ഫോർഡ് ക്രോണിക്കൾസ് എന്ന പേരിൽ നടന്ന ലിറ്ററേച്ചർ  ഫെസ്റ്റിവെല്ലിൽ വിവിധ തരത്തിലുള്ള സാംസ്കാരിക സാഹിത്യ പരിപാടികളും നടന്നു.ജിഎസ് പ്രദീപ് , മോട്ടിവേഷണൽ സ്പീക്കർ അഭിഷാദ് ഗുരുവായൂർ എന്നിവരുടെ പരിപാടികളും സൂഫി സംഗീതജ്ഞനായ സമീർ ബിൻസിയുടെ ഖവാലിയും നടന്നു. കെ പി രാമനുണ്ണി , ബാബു പറശ്ശേരി എന്നിവർ കുട്ടികൾക്ക് ആശംസകൾ നേർന്നു.