ചെന്നൈ: സെന്ട്രല് റെയില്വേ സ്റ്റേഷനില് യാത്രക്കാരുടെ മുന്നിലിട്ട് ചുമട്ടുതൊഴിലാളിയെ തലയ്ക്കടിച്ച് കൊന്നു. വെല്ലൂര് സ്വദേശി പൂങ്കാവനമാണ് കൊല്ലപ്പെട്ടത്. പ്രതി അലോക് കുമാറിനെ പോലീസ് അറസ്റ്റ് ചെയ്തു.
ചൊവ്വാഴ്ച രാവിലെയാണ് തിരക്കേറിയ ചെന്നൈ സെന്ട്രല് റെയില്വേ സ്റ്റേഷനില് യാത്രക്കാരുടെ മുന്നില് ദാരുണസംഭവമുണ്ടായത്. ദീര്ഘകാലമായി സെന്ട്രല് സ്റ്റേഷനിലെ ചുമട്ടുതൊഴിലാളികളാണ് പൂങ്കാവനവും അലോക് കുമാറും. കഴിഞ്ഞദിവസം യാത്രക്കാരുടെ വിശ്രമമുറിയില്വെച്ച് ഇരുവരും തമ്മില് വാക്കുതര്ക്കമുണ്ടായി.
ഇതിനുപിന്നാലെയാണ് അലോക് കുമാര് പൂങ്കാവനത്തെ കല്ല് കൊണ്ട് തലയ്ക്കടിച്ചത്. ഗുരുതരമായി പരിക്കേറ്റ പൂങ്കാവനത്തെ സമീപത്തെ ആശുപത്രിയില് പ്രവേശിപ്പിച്ചെങ്കിലും വ്യാഴാഴ്ച രാവിലെ മരിച്ചു. പ്രതിയായ അലോക് കുമാറിനെ കഴിഞ്ഞദിവസം തന്നെ ആര്.പി.എഫ്. പിടികൂടി പോലീസിന് കൈമാറിയിരുന്നു.
Content Highlights: headload worker killed in chennai central railway station
Published: 03 Mar 2021, 04:49 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented