തിരുവനന്തപുരം: ശ്രീകാര്യത്ത് പുരുഷന്റെ മൃതദേഹം കെട്ടിത്തൂക്കിയ നിലയില്‍ കണ്ടെത്തി. സ്വകാര്യ ബാങ്കിന് പിന്‍വശത്ത് രണ്ട് കെട്ടിടങ്ങള്‍ക്കിടയിലാണ് മൃതദേഹം കണ്ടെത്തിയത്. സംഭവം കൊലപാതകമാണെന്നാണ് പോലീസിന്റെ സംശയം.
മുഖത്തും ശരീരത്തിലും മുറിവുകള്‍ കണ്ടതും കഴുത്തില്‍ കയര്‍ മുറുകാത്ത നിലയില്‍ കണ്ടതുമാണ് കൊലപാതകമെന്ന് സംശയിക്കാന്‍ കാരണം. മൃതദേഹം കെട്ടിത്തൂക്കിയ സ്ഥലത്തും ചോരപ്പാടുകളുണ്ട്.
മരിച്ചയാളെ പിന്നീട് പോലീസ് തിരിച്ചറിഞ്ഞു. കഴിഞ്ഞദിവസം തിരുവനന്തപുരം മെഡിക്കല്‍ കോളേജ് ആശുപത്രിയില്‍നിന്ന് രക്ഷപ്പെട്ട വര്‍ക്കല സ്വദേശി ഷൈജുവാണ് മരിച്ചത്. വര്‍ക്കലയിലുണ്ടായ സംഘര്‍ഷത്തില്‍ പരിക്കേറ്റാണ് ഇയാളെ കഴിഞ്ഞദിവസം ആശുപത്രിയില്‍ പ്രവേശിപ്പിച്ചത്.
ബാങ്കിന് സമീപം കട നടത്തുന്നയാളാണ് ആദ്യം മൃതദേഹം കണ്ടത്. വിവരമറിഞ്ഞ് പോലീസ് സംഘം സ്ഥലത്തെത്തി വിവരങ്ങള്‍ ശേഖരിച്ചു. ഡോഗ് സ്‌ക്വാഡിനെ എത്തിച്ചും പരിശോധന നടത്തി. അസി. കമ്മീഷണര്‍ അടക്കമുള്ള പോലീസ് ഉദ്യോഗസ്ഥരും സ്ഥലത്തെത്തി.
Content Highlights: dead body found in sreekaryam trivandrum, police suspects murder
Published: 15 Jun 2020, 11:48 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented