കോഴിക്കോട്: പന്തീരാങ്കാവ് ഗാര്ഹിക പീഡനക്കേസ് പ്രതി രാഹുല് പി. ഗോപാലിനെ കോടതിയില് ഹാജരാക്കി റിമാന്ഡ് ചെയ്തു. കോഴിക്കോട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി മൂന്നിലാണ് രാഹുലിനെ ഹാജരാക്കിയത്. 14 ദിവസത്തേക്കാണ് റിമാന്ഡ് ചെയ്തിട്ടുള്ളത്. രാഹുലിന്റെ ഭാര്യയുടെ പരാതിയുടെ അടിസ്ഥാനത്തില് രജിസ്റ്റര് ചെയ്ത കേസ് 29-ാം തീയതി കോടതി പരിഗണിക്കും.
വീണ്ടും രാഹുലിന്റെ മര്ദനമേറ്റതായി കാണിച്ച് ഭാര്യ നല്കിയ പരാതിയിലാണ് പോലീസ് കേസ് എടുത്തത്. പഴയ ഗാര്ഹിക പീഡനക്കേസ് ഹൈക്കോടതി റദ്ദാക്കി ഒന്നരമാസത്തിനിടെയാണ് പുതിയ കേസ്.
മീന് കറിക്ക് പുളി കുറഞ്ഞെന്ന കാരണത്താലായിരുന്നു മര്ദനമെന്നാണ് യുവതി പോലീസില് പരാതി നല്കിയത്. പരിക്കേറ്റ യുവതിയെ രാഹുലും അമ്മയും ചേര്ന്ന് തിങ്കളാഴ്ച രാത്രി മെഡിക്കല് കോളേജ് ആശുപത്രിയില് എത്തിച്ചിരുന്നു. എന്നാല്, പോലീസ് എത്തിയപ്പോള് തനിക്ക് പരാതിയില്ലെന്നായിരുന്നു യുവതിയുടെ മറുപടി. ചൊവ്വാഴ്ച രാവിലെ രക്ഷിതാക്കള്ക്ക് ഒപ്പമെത്തിയാണ് യുവതി പന്തീരാങ്കാവ് പോലീസില് പരാതി നല്കിയത്.
ഇക്കഴിഞ്ഞ മേയിലാണ് രാഹുലിന് എതിരെ യുവതി ആദ്യം ഗാര്ഹിക പീഡന പരാതി നല്കിയത്. പിന്നാലെ വിദേശത്തേക്ക് കടന്ന രാഹുലിനായി ബ്ലൂ കോര്ണര് നോട്ടീസ് പുറത്തിറക്കി. ഇതിനിടെ പരാതി പിന്വലിക്കുകയാണെന്നും രാഹുലിനൊപ്പം ജീവിക്കാന് അനുവദിക്കണമെന്നും ആവശ്യപ്പെട്ട് യുവതി ഹൈക്കോടതിയെ സമീപിച്ചു. തുടര്ന്ന് കേസ് റദ്ദാക്കിയ കോടതി യുവതിയെ ഭര്ത്താവിനൊപ്പം പോകാന് അനുവദിക്കുകയായിരുന്നു.
Content Highlights: pantheeramkavu domestic violence case accused remanded for 14 days
Published: 26 Nov 2024, 06:58 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented