കോഴിക്കോട്: മുക്കത്ത് മാനസികവെല്ലുവിളി നേരിടുന്ന യുവാവിനുനേരേ ആള്ക്കൂട്ട ആക്രമണം. മുക്കം സ്വദേശിയായ 34-കാരനെയാണ് ഒരു സംഘം യുവാക്കള് കൂട്ടംചേര്ന്ന് മര്ദിച്ചത്. സംഭവത്തിന്റെ വീഡിയോദൃശ്യങ്ങളും പ്രതികള് പകര്ത്തിയിരുന്നു.
ഒരു യുവാവിനോട് മോശമായി പെരുമാറിയെന്ന് ആരോപിച്ചാണ് മാനസികവെല്ലുവിളി നേരിടുന്ന 34-കാരനെ യുവാക്കള് മര്ദിച്ചത്. ആളൊഴിഞ്ഞ വീട്ടിലെത്തിച്ചായിരുന്നു ആക്രമണം. മര്ദനത്തിന്റെ ദൃശ്യങ്ങള് പകര്ത്തിയ പ്രതികള് പണം ആവശ്യപ്പെട്ട് ഭീഷണിപ്പെടുത്തിയതായും പരാതിയുണ്ട്. പണം നല്കിയില്ലെങ്കില് മര്ദനത്തിന്റെ വീഡിയോ പുറത്തുവിട്ട് അപമാനിക്കുമെന്നായിരുന്നു പ്രതികളുടെ ഭീഷണി.
18,000 രൂപയാണ് പ്രതികള് ആവശ്യപ്പെട്ടതെന്ന് മര്ദനത്തിനിരയായ 34-കാരന് പറഞ്ഞു. പണം നല്കിയില്ലെങ്കില് വീഡിയോ പുറത്തുവിട്ട് നാറ്റിക്കുമെന്നാണ് യുവാക്കള് ഭീഷണിപ്പെടുത്തിയതെന്നും പരാതിക്കാരന് പ്രതികരിച്ചു.
Content Highlights: A 34-year-old mentally challenged man in Mukkam, Kozhikode, was brutally attacked by a mob.
Published: 05 Jan 2025, 05:08 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented