കൊച്ചി: ബിഎൽഎം സൊസൈറ്റിയിൽ കോടിക്കണക്കിന് രൂപയുടെ തിരിമറിയെന്ന് എൻഫോഴ്‌സ്‌മെന്റ് ഡയറക്ടറേറ്റ് (ഇഡി). സൊസൈറ്റിയുടെ ചെയർമാനായ ആർ. പ്രേംകുമാർ നിക്ഷേപകരുടെ പണം വകമാറ്റി സ്വന്തം ആവശ്യങ്ങൾക്കും കുടുംബാംഗങ്ങളുടെ പേരിലേക്കും മാറ്റിയതായാണ് ഇഡി അന്വേഷണത്തിൽ കണ്ടെത്തിയത്. നടപടികളുടെ ഭാഗമായി പ്രേംകുമാറിന്റെ 103 കോടി രൂപയുടെ സ്വത്തുക്കൾ അധികൃതർ മരവിപ്പിച്ചു.

To advertise here,

ഇതിന്റെ അടിസ്ഥാനത്തിൽ കേരളത്തിലും തമിഴ്നാട്ടിലുമായി നടത്തിയ പരിശോധനകൾക്ക് ഒടുവിലാണ് ഇഡി നടപടി സ്വീകരിച്ചിരിക്കുന്നത്. മരവിപ്പിച്ച സ്വത്തുക്കളിൽ ആഡംബര കാറുകളും വലിയ അളവിൽ സ്വർണാഭരണങ്ങളും ബാങ്ക് അക്കൗണ്ടുകളിലെ നിക്ഷേപങ്ങളും ഉൾപ്പെടുന്നു. സൊസൈറ്റിയുടെ അഞ്ഞൂറിലധികം അക്കൗണ്ടുകൾ വഴിയാണ് വൻതോതിലുള്ള ഈ പണമിടപാടുകൾ നടത്തിയിരിക്കുന്നത് എന്നാണ് വിവരം.

കേസുമായി ബന്ധപ്പെട്ട് കേരളത്തിലും തമിഴ്‌നാട്ടിലുമായി പത്തിലധികം കേന്ദ്രങ്ങളിലാണ് ഇഡി പരിശോധന നടത്തിയത്. ഇതിന് പിന്നാലെ പുറത്തിറക്കിയ വാർത്താക്കുറിപ്പിലൂടെയാണ് ഇഡി മറ്റുവിവരങ്ങളും വിശദമാക്കിയത്. സ്ഥാവര ജംഗമ വസ്തുക്കൾ ഉൾപ്പെടെ ആകെ 103 കോടി രൂപയുടെ സ്വത്തുക്കളാണ് ഇഡി കണ്ടുകെട്ടുകയും മരവിപ്പിക്കുകയും ചെയ്തിട്ടുള്ളത്.

ഇതിൽ റോൾസ് റോയ്‌സ്, പോർഷെ അടക്കം 7 കോടി രൂപയോളം മൂല്യമുള്ള 8 ആഡംബര കാറുകൾ. 9.6 കോടി രൂപ മൂല്യം വരുന്ന 7,400 ഗ്രാം സ്വർണം, 1.86 കോടി രൂപയുടെ ബാങ്ക് നിക്ഷേപം എന്നിവയാണ് ഉൾപ്പെടുന്നത്. 320 ബാങ്ക് അക്കൗണ്ടുകളിലൂടെയാണ് പ്രേംകുമാറും ബിഎൽഎം സൊസൈറ്റിയും പണമിടപാടുകൾ നടത്തിയത്.