കൊച്ചി: ബെംഗളൂരുവിലുള്ള കോളേജില് ഹോട്ടല് മാനേജ്മെന്റ്, നഴ്സിങ് കോഴ്സുകള്ക്ക് അഡ്മിഷന് തരപ്പെടുത്തി കൊടുക്കാമെന്നു പറഞ്ഞു പണം വാങ്ങി തട്ടിപ്പ് നടത്തിയ യുവാവ് പിടിയില്. എറണാകുളം വളഞ്ഞമ്പലത്തിന് സമീപമുള്ള എക്സ്പെര്ട്ട് എജ്യു ടെക്ക് അഡ്മിഷന് ഗൈഡന്സ് എന്ന സ്ഥാപനത്തിന്റെ ഉടമ, ചെങ്ങന്നൂര് സ്വദേശി മെല്ജോ തോമസാണ് (33) അറസ്റ്റിലായത്.
സീറ്റ് തരപ്പെടുത്തി നല്കാനായി പഠിതാക്കളില് നിന്നും രണ്ടര ലക്ഷം രൂപ വീതം വാങ്ങിയതായാണ് കണ്ടെത്തല്.പലരുടെയും സര്ട്ടിഫിക്കറ്റുകളും ഇയാള് വാങ്ങിയെടുത്തിട്ടുണ്ട്. ചിലരെ നഴ്സിങ് കൗണ്സിലിന്റെ അംഗീകാരം ഇല്ലാത്ത കോളേജുകളില് അഡ്മിഷന് വാങ്ങിക്കൊടുത്ത് കബളിപ്പിച്ചതായും വ്യക്തമായിട്ടുണ്ട്.
സ്ഥാപനത്തിലെ ജോലിക്കാരായ പെണ്കുട്ടികളെ അപമാനിക്കാന് ശ്രമിച്ചതിനും, ഇയാള്ക്കെതിരേ പരാതിപ്പെട്ടവരെ ഭീഷണിപ്പെടുത്തിയതിനും ഒറിജിനല് സര്ട്ടിഫിക്കറ്റ് പിടിച്ചുവെച്ചതിനും ഇയാളുടെ പേരില് സൗത്ത് സ്റ്റേഷനില് കേസുകള് രജിസ്റ്റര് ചെയ്തിട്ടുണ്ട്. പത്തോളം പരാതികള് നിലവില് ഇയാളേക്കുറിച്ച് സൗത്ത് സ്റ്റേഷനില് ലഭിച്ചിട്ടുണ്ട്. പ്രതിയെ കോടതി റിമാന്ഡ് ചെയ്തു.
Content Highlights: A man in Kochi was arrested for cheating students by promising college admissions in Bengaluru
Published: 24 May 2025, 08:00 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented