തിരുപ്പൂർ: ഊത്തുക്കുഴി പോലീസ്‌സ്റ്റേഷൻ പരിധിയിൽനിന്ന്‌ സാനിറ്റൈസറെന്നപേരിൽ സൂക്ഷിച്ച 1,750 ലിറ്റർ ചാരായം എൻഫോഴ്‌സ്‌മെന്റ് വിഭാഗം പിടികൂടി. ഇതുമായി ബന്ധപ്പെട്ട് ഏഴുപേരെ അറസ്റ്റുചെയ്തു. ഇവരിൽനിന്ന്‌ ചാരായം ശേഖരിക്കുന്നതിനും വിൽക്കുന്നതിനും ഉപയോഗിച്ച ഒരുട്രക്കും രണ്ട് കാറുകളും പിടിച്ചെടുത്തു.

To advertise here,

എസ്. ഗുണശേഖരൻ (29), എ. വിജയ് (25), എ. വിഘ്‌നേഷ് (26), സി. സതീഷ് (28), കെ. ജയരാജ് (28), പി. സുലൈമാൻ (26), ജി. മനോജ് (32) എന്നിവരാണ് അറസ്റ്റിലായത്. ഇവരിൽ ഗുണശേഖരൻ തിരുപ്പൂർ സ്വദേശിയാണ്. ബാക്കിയുള്ള പ്രതികൾ ചെന്നൈയുടെ വിവിധഭാഗങ്ങളിൽനിന്നുള്ളവരാണ്. ഇവരുടെ സഹായികളായ രണ്ടുപേർ ഒളിവിലാണെന്നാണ് വിവരം.

മുത്തനംപാളയം ഗ്രാമത്തിലെ മുണ്ടൂർ എന്നസ്ഥലത്ത് സ്ഥിതിചെയ്യുന്ന കെട്ടിടത്തിൽനിന്നാണ് ചാരായം പിടിച്ചെടുത്തത്. കോയമ്പത്തൂരിൽനിന്നാണ് ചാരായം ഇവിടേയ്ക്ക് കൊണ്ടുവന്നതെന്ന് പോലീസ് പറഞ്ഞു. സൂക്ഷിച്ചിരിക്കുന്ന സാമഗ്രികൾ സാനിറ്റൈസറാണെന്ന് അടുത്തുള്ളവർ പറഞ്ഞിരുന്നു.

ചെറിയ കുപ്പികളിലും ക്യാനുകളിലും ചാരായം നിറച്ച് സാനിറ്റൈസർ എന്നലേബൽ ഒട്ടിച്ച് ‍വിൽക്കുകയായിരുന്നുവെന്ന് പോലീസ് പറഞ്ഞു.