ഇന്ത്യൻ നേവിയിൽ പ്ലസ്ടു (ബി.ടെക്.) കേഡറ്റ് എൻട്രി സ്കീമിലേക്ക് അപേക്ഷ ക്ഷണിച്ചു. പെർമനന്റ് കമ്മിഷൻ പ്രകാരമുള്ള വിജ്ഞാപനമാണ്. 40 ഒഴിവുണ്ട്. ഇതിൽ എട്ട് ഒഴിവ് വനിതകൾക്ക് നീക്കിവെച്ചതാണ്. അപേക്ഷകർ അവിവാഹിതരായിരിക്കണം.

To advertise here,

വിദ്യാഭ്യാസയോഗ്യത: പ്ലസ്ടു സമ്പ്രദായത്തിലുള്ള സീനിയർ സെക്കൻഡറി വിജയം/തത്തുല്യം. ഫിസിക്സ്, കെമിസ്ട്രി, മാത്തമാറ്റിക്സ് എന്നിവയിൽ ആകെ 70 ശതമാനം മാർക്കുണ്ടായിരിക്കണം. പത്തിലോ പന്ത്രണ്ടിലോ ഇംഗ്ലീഷിൽ 50 ശതമാനം മാർക്കും നേടിയിരിക്കണം. 2024-ലെ ജെ.ഇ.ഇ. മെയിൻ അഭിമുഖീകരിച്ചവരായിരിക്കണം.

പ്രായം: അപേക്ഷകർ 2005 ജൂലായ് 2-നും 2008 ജനുവരി 1-നും ഇടയിൽ ജനിച്ചവർ (രണ്ട് തീയതികളും ഉൾപ്പെടെ). വിശദവിവരങ്ങൾ www.joinindiannavy.gov.in ൽ ലഭിക്കും. അപേക്ഷ ജൂലായ് 20 വരെ നൽകാം.