ഇന്‍ഡോ ടിബറ്റന്‍ ബോര്‍ഡര്‍ പോലീസില്‍ 126 ഒഴിവുകളിലേക്ക് അപേക്ഷ ക്ഷണിച്ചു. സബ്-ഇന്‍സ്‌പെക്ടര്‍ (സ്റ്റാഫ് നഴ്‌സ്)-18, കോണ്‍സ്റ്റബിള്‍ (കാര്‍പെന്റര്‍)-56, കോണ്‍സ്റ്റബിള്‍ (മേസണ്‍)-31, കോണ്‍സ്റ്റബിള്‍ (പ്ലംബര്‍)-21 എന്നിങ്ങനെയാണ് ഒഴിവുകള്‍. 
    
യോഗ്യത 

To advertise here,

സബ്-ഇന്‍സ്‌പെക്ടര്‍: പന്ത്രണ്ടാംക്ലാസും ജനറല്‍ നഴ്‌സിങ് ആന്‍ഡ് മിഡ് വൈഫറി പരീക്ഷയില്‍ വിജയവും. സെന്‍ട്രല്‍ നഴ്‌സിങ് കൗണ്‍സിലിലോ സ്റ്റേറ്റ് നഴ്‌സിങ് കൗണ്‍സിലിലോ രജിസ്റ്റര്‍ചെയ്തിരിക്കണം. മൂന്നുവര്‍ഷത്തെ പ്രവൃത്തിപരിചയം അഭികാമ്യം. പ്രായപരിധി: 2022 സെപ്റ്റംബര്‍ 15-ന്, 21-നും 30-നും മധ്യേ. 

കോണ്‍സ്റ്റബിള്‍: പത്താംക്ലാസ് വിജയവും മേസണ്‍/കാര്‍പെന്റര്‍/പ്ലംബര്‍ ട്രേഡിലുള്ള ഐ.ടി.ഐ. സര്‍ട്ടിഫിക്കറ്റും. പ്രായപരിധി: 2022 സെപ്റ്റംബര്‍ 17-ന്, 18-നും 23-നും മധ്യേ. 

ഇരുതസ്തികകളിലും സംവരണവിഭാഗക്കാര്‍ക്ക് ഉയര്‍ന്ന പ്രായപരിധിയില്‍ നിയമാനുസൃത ഇളവുണ്ടായിരിക്കും.

തിരഞ്ഞെടുപ്പ്: ശാരീരികക്ഷമതാ പരീക്ഷ, എഴുത്തുപരീക്ഷ, ട്രേഡ് ടെസ്റ്റ്/സ്‌കില്‍ ടെസ്റ്റ്, വൈദ്യപരിശോധന എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ്. 

അപേക്ഷ: https://recruitment.itbpolice.nic.in എന്ന വെബ്‌സൈറ്റ് വഴി ഓണ്‍ലൈനായി അപേക്ഷിക്കാം. സബ്-ഇന്‍സ്‌പെക്ടര്‍ തസ്തികയിലേക്ക് ഓഗസ്റ്റ് 17 മുതലും കോണ്‍സ്റ്റബിള്‍ തസ്തികയിലേക്ക് ഓഗസ്റ്റ് 19 മുതലും അപേക്ഷിക്കാം. സബ്-ഇന്‍സ്‌പെക്ടര്‍ തസ്തികയിലേക്ക് അപേക്ഷിക്കുന്നവര്‍ 200 രൂപ ഫീസടയ്ക്കണം. സ്ത്രീകള്‍ക്കും വിമുക്തഭടന്മാര്‍ക്കും എസ്.സി., എസ്.ടി. വിഭാഗക്കാര്‍ക്കും ഫീസില്ല. അപേക്ഷ സ്വീകരിക്കുന്ന അവസാന തീയതി: സബ്-ഇന്‍സ്‌പെക്ടര്‍: സെപ്റ്റംബര്‍ 15, കോണ്‍സ്റ്റബിള്‍:സെപ്റ്റംബര്‍ 17.