മലപ്പുറം: അരീക്കോട് സുല്ലമുസലാം ഓറിയന്റല്‍ ഹയര്‍ സെക്കണ്ടറി സ്‌കൂളിന് ഇത് അഭിമാനവര്‍ഷമാണ്. ഇത്തവണത്തെ യു.എസ്.എസ്. പരീക്ഷയ്ക്കിരുത്തിയ 104 കുട്ടികളില്‍ അറുപത്തിയെട്ട് പേര്‍ വിജയം കരസ്ഥമാക്കിക്കൊണ്ട് സംസ്ഥാനത്തെ ഏറ്റവും കൂടുതല്‍ യു.എസ്.എസ് ജേതാക്കളുള്ള വിദ്യാര്‍ഥികളെ വാര്‍ത്തെടുത്ത വിദ്യാലയം എന്ന് ഖ്യാതി നേടിയിരിക്കുന്നു. അറുപത്തിയെട്ട് പേരെയും 'ഇമ്മിണി വല്യ ഒന്ന്' എന്ന പേരില്‍ ഈ വിജയം വിദ്യാലയം ആഘോഷിച്ചതാവട്ടെ ജീവിതപാഠങ്ങള്‍ ഉള്ളടങ്ങിയ മഹത്തായ ഒരു പുസ്തകം സമ്മാനിച്ചുകൊണ്ടാണ്. ലിപിന്‍രാജ് ഐ.എ.എസ് എഴുതി മാതൃഭൂമി ബുക്‌സ് പ്രസിദ്ധീകരിച്ച 'പാഠം ഒന്ന് ആത്മവിശ്വാസം' എന്ന പുസ്തകം യു.എസ്.എസ് ജേതാക്കള്‍ക്ക് സമ്മാനിച്ചുകൊണ്ടാണ് പി.ടി.എ വിദ്യാര്‍ഥികളെ അനുമോദിച്ചത്.

To advertise here,
placeholder

പാഠം ഒന്ന് ആത്മവിശ്വാസം

161

പരീക്ഷ എഴുതിയ 103 പേരിൽ 68 കുട്ടികളും സ്കോളർഷിപ്പിന് അർഹരായി. സംസ്ഥാനത്ത് പരീക്ഷ എഴുതിയ 12% കുട്ടികൾ ഇതിന് അർഹരായപ്പോൾ, ഈ സ്ഥാപനത്തിലെ 65% പേരാണ് ഇതിനർഹത നേടിയത്. ഇവിടെ 2750 കുട്ടികൾ പഠിക്കുന്നുണ്ട്. ഈ കുട്ടികളെ ആദരിക്കാൻ  ഇമ്മിണി ബല്ല്യ ഒന്ന് എന്ന പേരിൽ നടത്തിയ അവാർഡ്ദാന ചടങ്ങിൽ അസിസ്റ്റന്റ് കളക്ടർ മീര കെ ഐ എ എസ് പങ്കെടുത്തിരുന്നു.  ലിപിൻ രാജ് ഐ എ എസ് അടുത്ത ദിവസം ഈ കുട്ടികളെ കാണാൻ വരുന്നുണ്ട്.