ബെംഗളൂരു: നഗരത്തിലെ തിരക്കേറിയ എം.ജി. റോഡിൽ വാഹനാഭ്യാസം നടത്തിയതിന് പിടികൂടിയ ആഡംബര കാറായ ലംബോർഗിനിക്ക് വ്യാജ രജിസ്ട്രേഷൻ നമ്പർ.
സംഭവത്തിൽ കാർ ഉടമയായ റിക്കി റായിയുടെ പേരിൽ കബൺ പാർക്ക് ട്രാഫിക് പോലീസ് കേസെടുത്തു. ബെംഗളൂരുവിലെ അധോലോക കുറ്റവാളിയായിരുന്ന മുത്തപ്പ റായിയുടെ മകനാണ് റിക്കി റായി. ശനിയാഴ്ച രാത്രി അപകടകരമായി തിരക്കേറിയ നഗരത്തിൽ വാഹനാഭ്യാസം നടത്തിയതിനാണ് ലംബോർഗിനി പോലീസ് പിടിച്ചെടുത്തത്.
റിക്കി കാർ വാങ്ങിയത് ഡൽഹിയിൽനിന്നായിരുന്നു. തുടർന്ന് കർണാടകയിലെത്തിച്ചിട്ടും റീ-രജിസ്ട്രേഷൻ പൂർത്തിയാക്കിയിട്ടില്ല.
വ്യാജ ഫാൻസി നമ്പർ പ്ലേറ്റ് ഉപയോഗിച്ചാണ് കാർ ബെംഗളൂരു നഗരത്തിലോടിയതെന്നും പോലീസ് അറിയിച്ചു. വാഹനാഭ്യാസം നടത്തിയതിന് പുറമേ റിക്കിയുടെപേരിൽ പുതിയ കേസ് രജിസ്റ്റർചെയ്തതായും കബൺ പാർക്ക് ട്രാഫിക് പോലീസ് അറിയിച്ചു.
Content Highlights: Ricky Rai's Lamborghini seized by Cubbon Park Traffic Police., Vehicle was driven dangerously on Bengaluru's MG Road., Car used a fake fancy number plate., Vehicle was bought in Delhi and not re-registered in Karnataka.
Published: 28 Mar 2026, 12:44 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented