മാരുതി സുസുകി വാന്‍ ശ്രേണിയിലുള്ള വാഹനമായ 'ഈക്കോ'യുടെ ബി.എസ് 6 വേരിയന്റ് പുറത്തിറക്കുമെന്ന് പ്രഖ്യാപിച്ചു. സര്‍ക്കാര്‍ നിശ്ചയിച്ച സമയപരിധിയ്ക്ക് മുന്നോടിയായി മാരുതി സുസുകിയില്‍ നിന്നുള്ള ഒമ്പതാമത്തെ ബി.എസ് 6 വാഗ്ദാനമാണ് ഈക്കോ.
കുറഞ്ഞ പരിപാലന ചെലവില്‍ മികച്ച മൈലേജ്, മികച്ച ഇന്‍ സെഗ്മെന്റ് കംഫര്‍ട്ട്, സ്‌പേസ്, പവര്‍ എന്നിവ് ഈക്കോയുടെ സവിശേഷതകളാണ്.
ഡ്രൈവര്‍ എയര്‍ബാഗ്, ഇ.ബി.ഡി.യുള്ള എ.ബി.എസ്., റിവേഴ്സ് പാര്‍ക്കിങ് സെന്‍സറുകള്‍, ഡ്രൈവര്‍-കോഡ്രൈവര്‍ സീറ്റ് ബെല്‍റ്റ് ഓര്‍മ്മപ്പെടുത്തല്‍, ഹൈ സ്പീഡ് അലേര്‍ട്ട് സിസ്റ്റം എന്നിവ സജ്ജീകരിച്ചിരിക്കുന്നു.
16.11 കിലോമീറ്ററാണ് ഇന്ധനക്ഷമത. 1.2 ലിറ്റര്‍ പെട്രോള്‍ ബി.എസ് 6 എന്‍ജിനാണ് മാരുതി സുസുക്കി ഈക്കോയില്‍ സജ്ജീകരിച്ചിരിക്കുന്നത്. പെട്രോള്‍ വേരിയന്റിനൊപ്പം മാരുതി സുസുക്കി എസ്.സി.എന്‍.ജി. സാങ്കേതികവിദ്യയും 'ഈക്കോ' വാഗ്ദാനം ചെയ്യുന്നു.
2019-ല്‍, ഈക്കോയുടെ മൊത്തം വില്‍പ്പന ആദ്യമായി 1 ലക്ഷം യൂണിറ്റ് കടന്നു. ഇത് 2018-ലെ മൊത്തം വില്‍പ്പനയെ അപേക്ഷിച്ച് 36 ശതമാനം വളര്‍ച്ചയെ പ്രതിഫലിപ്പിക്കുന്നു.
Content Highlights: Maruti Suzuki Eeco BS-6 Engine Model Launch Soon
Published: 19 Jan 2020, 03:28 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented