കോംപാക്ട് സെഡാന്‍ ശ്രേണിയിലേക്ക് ഹ്യുണ്ടായിയില്‍ നിന്നെത്തുന്ന പുതിയ വാഹനമാണ് ഓറ. ഹ്യുണ്ടായി എക്‌സെന്റിന്റെ പ്രീമിയം പതിപ്പെന്ന് വിശേഷിപ്പിക്കാന്‍ സാധിക്കുന്ന ഈ വാഹനം ഫീച്ചര്‍ സമ്പന്നമാണ്. മൂന്ന് എന്‍ജിന്‍ ഓപ്ഷനുകളിലും അഞ്ച് വേരിയന്റുകളിലുമാണ് ഓറ നിരത്തുകളിലെത്താനൊരുങ്ങുന്നത്. ഈ വാഹനത്തിന്റെ എന്‍ജിന്‍, നിറങ്ങള്‍, ഫീച്ചറുകള്‍ എന്നിവയെ കുറിച്ച് അടുത്തറിയാം.
പുറംമോടി
- പ്രൊജക്ഷന്‍ ഹെഡ്‌ലാമ്പ്
- ബൂമറാങ്ങ് എല്‍ഇഡി ഡിആര്‍എല്‍
- പ്രൊജക്ഷന്‍ ഫോഗ്‌ലാമ്പ്
- എല്‍ഇഡി ടെയ്ല്‍ലൈറ്റ്
- 15 ഇഞ്ച് ഡയമണ്ട് കട്ട് അലോയി വീല്‍.
ഉള്‍വശം
- ആന്‍ഡ്രോയിഡ് ഓട്ടോ, ആപ്പിള്‍ കാര്‍പ്ലേ സംവിധാനമുള്ള എട്ട് ഇഞ്ച് ഇന്‍ഫോടെയ്ന്‍മെന്റ് സിസ്റ്റം
- അര്‍കാമീസ് സൗണ്ട് സിസ്റ്റം
- റിയര്‍വ്യൂ മോണിറ്റര്‍, 5.3 ഇഞ്ച് ഡിജിറ്റര്‍ സ്പീഡോ മീറ്റര്‍
- ലെതര്‍ ആവരണമുളള ഗിയര്‍
- വയര്‍ലെസ് ചാര്‍ജര്‍
- യുഎസ്ബി ചാര്‍ജര്‍
- ഇക്കോ കോട്ടിങ്ങ്
- ഐബ്ലു ഓഡിയോ റിമോട്ട് സ്റ്റാര്‍ട്ട്
മുകളില്‍ പറഞ്ഞിട്ടുള്ളവയാണ് ഇന്റീരിയറിലെ പ്രധാന ഫീച്ചറുകള്‍. ഇതില്‍ ഡ്രൈവര്‍ റിയര്‍വ്യൂ മോണിറ്റര്‍ കോംപാക്ട് സെഡാന്‍ സെഗ്മെന്റില്‍ തന്നെ ആദ്യമാണ്. ഐബ്ലു ഓഡിയോ റിമോട്ട് സ്റ്റാര്‍ട്ട് സംവിധാനം ഈ വാഹനത്തിലെ പുതുമയാണ്.
എന്‍ജിന്‍/പവര്‍
- 1.2 ലിറ്റര്‍ കാപ്പ പെട്രോള്‍- 83 പിഎസ്/113 എന്‍എം
- 1.2 ലിറ്റര്‍ ഇക്കോടോര്‍ക്ക് ഡീസല്‍- 75 പിഎസ്/192 എന്‍എം
- 1.0 ലിറ്റര്‍ ടി-ജിഡിഐ പെട്രോള്‍- 100 പിഎസ്/ 171 എന്‍എം
ഈ എന്‍ജിനുകള്‍ക്ക് പുറമെ, സിഎന്‍ജി കരുത്തേകുന്ന ഒരു എന്‍ജിന്‍ കൂടി ഓറയില്‍ സ്ഥാനം പിടിക്കുമെന്നാണ് സൂചന. ഒാറയുടെ മുന്‍ഗാമിയായ എക്‌സെന്റില്‍ സിഎന്‍ജി എന്‍ജിന്‍ നല്‍കിയിരുന്നു. ഇതില്‍ 1.2 ലിറ്റര്‍ പെട്രോള്‍-ഡീസല്‍ എന്‍ജിനുകള്‍ക്കൊപ്പം മാനുവല്‍-ഓട്ടോമാറ്റിക് ട്രാന്‍സ്മിഷനുകള്‍ നല്‍കുന്നുണ്ട്. 1.0 ലിറ്റര്‍ എന്‍ജിനൊപ്പം മാനുവല്‍ ട്രാന്‍സ്മിഷന്‍ മാത്രമാണുള്ളത്.
വേരിയന്റുകള്‍
ഇ, എസ്, എസ്എക്‌സ്, എസ്എക്‌സ്+, എസ്എക്‌സ്(ഒ) എന്നീ അഞ്ച് വേരിയന്റുകളിലാണ് ഓറ എത്തുന്നത്. ഇതില്‍ ഇ, എസ് വേരിയന്റുകള്‍ പെട്രോള്‍ എന്‍ജിന്‍ മാനുവല്‍ ട്രാന്‍സ്മിഷനില്‍ മാത്രമാണ് എത്തുന്നത്.
നിറങ്ങള്‍
- ഫയറി റെഡ്
- പോളാര്‍ വൈറ്റ്
- ടൈഫൂണ്‍ സില്‍വര്‍
- ടൈറ്റാന്‍ ഗ്രേ
- ആല്‍ഫ ബ്ലു
- വിന്റേജ് ബ്രൗണ്‍
Source: Indianautosblog
Content Highlights: Hyundai Aura Features Including Engine, Variant, Colour Etc
Published: 06 Jan 2020, 03:38 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented