മികച്ച എഡിറ്റര്‍ക്കുള്ള സംസ്ഥാന അവാര്‍ഡ്, പ്രേമലു എന്ന സിനിമയുടെ ഉജ്വല വിജയം എന്നീ സന്തോഷങ്ങള്‍ക്ക് പിന്നാലെ പുതിയ വാഹനം കൂടി സ്വന്തമാക്കിയിരിക്കുകയാണ് മലയാളികളുടെ സ്വന്തം അമല്‍ ഡേവിസ് എന്ന നടന്‍ സംഗീത് പ്രതാപ്. ഫോക്സ്വാഗണ് ടൈഗൂണ്‍ മിഡ്‌സൈസ് എസ്.യു.വിയാണ് അദ്ദേഹം തിരഞ്ഞെടുത്തത്. കൊച്ചിയിലെ ഫോക്സ്വാഗണ് വിതരണക്കാരായ ഇ.വി.എമ്മില്‍ കുടുംബസമേതം എത്തിയാണ് സംഗീത് തന്റെ പുതിയ വാഹനം സ്വന്തമാക്കിയിരിക്കുന്നത്.
ഫോക്സ്വാഗണ് ടൈഗൂണ്‍ 1.0 ലിറ്റര്‍ സ്‌പെഷ്യല്‍ എഡിഷന്‍ പതിപ്പാണ് സംഗീത് തന്റെ ഗ്യാരേജില്‍ എത്തിച്ചിരിക്കുന്ന വാഹനം. പൂര്‍ണമായും കറുപ്പ് നിറം അഴകേകുന്ന വാഹനമാണിത്. ഏകദേശം 19 ലക്ഷം രൂപയാണ്‌ ടൈഗൂണിന്റെ ഈ പ്രത്യേക പതിപ്പിന്റെ എക്‌സ്‌ഷോറൂം വിലയെന്നാണ് റിപ്പോര്‍ട്ട്. രണ്ട് എന്‍ജിന്‍ ഓപ്ഷനുകളില്‍ എത്തുന്ന ടൈഗൂണിന്റെ 1.0 ലിറ്റര്‍ പതിപ്പാണ് സംഗീത് സ്വന്തമാക്കിയിരിക്കുന്നതെന്നാണ് റിപ്പോര്‍ട്ടുകള്‍.
1.0 ലിറ്റര്‍ മൂന്ന് സിലിണ്ടര്‍ ടര്‍ബോചാര്‍ജ്ഡ്, 1.5 ലിറ്റര്‍ നാല് സിലിണ്ടര്‍ ടര്‍ബോചാര്‍ജ്ഡ് എന്നീ രണ്ട് പെട്രോള്‍ എന്‍ജിനുകളിലാണ് ടൈഗൂണ്‍ നിരത്തുകളിലെത്തുന്നത്. 1.0 ലിറ്റര്‍ എന്‍ജിന്‍ 115 പി.എസ്. പവറും 178 എന്‍.എം. ടോര്‍ക്കുമേകും. 1.5 ലിറ്റര്‍ എന്‍ജിന്‍ 150 പി.എസ്. പവറും 250 എന്‍.എം. ടോര്‍ക്കുമാണ് ഉത്പാദിപ്പിക്കുന്നത്. ആറ് സ്പീഡ് മാനുവല്‍, ഏഴ് സ്പീഡ് ഡി.എസ്.ജി. ഓട്ടോമാറ്റിക് എന്നിവയാണ് ഇതില്‍ ട്രാന്‍സ്മിഷന്‍ ഒരുക്കുന്നത്.
ഡൈനാമിക് ലൈന്‍, പെര്‍ഫോമെന്‍സ് ലൈന്‍ എന്നീ രണ്ട് വിഭാഗങ്ങളിലായി അഞ്ച് വേരിയന്റുകളിലാണ് ഫോക്സ്വാഗണ് ടൈഗൂണ്‍ പുറത്തിറങ്ങുന്നത്. റെഗുലര്‍ പതിപ്പിന് 11.62 ലക്ഷം രൂപ മുതല്‍ 19.46 ലക്ഷം രൂപ വരെയാണ് എക്സ്ഷോറും വില. ഡൈനാമിക്കില്‍ കംഫര്‍ട്ട്ലൈന്‍, ഹൈലൈന്‍, ടോപ്പ്ലൈന്‍ എന്നിവയും പെര്‍ഫോമെന്‍സ് ലൈനില്‍ ജി.ടി, ജി.ടി. പ്ലസ് എന്നിവയുമാണ് വേരിയന്റുകള്‍. ഫോക്സ്വാഗണ് MQB AO IN പ്ലാറ്റ്‌ഫോമിലാണ് ഈ വാഹനം ഒരുങ്ങിയിരിക്കുന്നത്.
കണക്ടിവിറ്റി ഫീച്ചറുകളും സുരക്ഷ സംവിധാനങ്ങളുമാണ് ടൈഗൂണിനെ ആകര്‍ഷകമാക്കുന്നത്. ക്രൂയിസ് കണ്‍ട്രോള്‍, പാര്‍ക്കിങ്ങ് സെന്‍സര്‍, ഇലക്ട്രോണിക് സ്‌റ്റൈബിലിറ്റി കണ്‍ട്രോള്‍, ടയര്‍ പ്രഷര്‍ മോണിറ്റര്‍, എ.ബി.എസ്. വിത്ത് ഇ.ബി.ഡി, ആറ് എയര്‍ബാഗ്, ഐസോഫിക്‌സ് ചൈല്‍ഡ് സീറ്റ്, ഓട്ടോ ഡിമ്മിങ്ങ് ഐ.ആര്‍.വി.എം, ഹില്‍ ഹോള്‍ഡ് കണ്‍ട്രോള്‍, റിയര്‍വ്യൂ ക്യാമറ, മള്‍ട്ടി കൊളീഷന്‍ ബ്രേക്ക്, എന്നിവയാണ് ഈ വാഹനത്തില്‍ സുരക്ഷ ഒരുക്കുന്നത്.
Content Highlights: Editor turned actor Sangeeth Pratap Buy Volkswagen Taigun SUV
Published: 31 Aug 2024, 12:35 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented