ആഡംബര വാഹന നിര്‍മാതാക്കളായ ബി.എം.ഡബ്ല്യു.വിന്റെ പ്രീമിയം സെഡാന്‍ മോഡലായ ത്രീ സീരീസ് ഗ്രാന്‍ ലിമോസില്‍ പതിപ്പ് ജനുവരി 21-ന് അവതരിപ്പിക്കും. ത്രീ സീരീസിന്റെ ലോങ്ങ് വീല്‍ ബേസ് (എല്‍.ഡബ്ല്യു.ബി) വേരിയന്റായാണ് ഗ്രാന്‍ ലിമോസിന്‍ എത്തുന്നത്. ഈ വാഹനത്തിന്റെ ആദ്യമായി ഒരുങ്ങുന്ന റൈറ്റ് ഹാന്‍ഡ് പതിപ്പാണ് ഇന്ത്യയിലെത്തുന്നത്.
ഗ്രാന്‍ ലിമോസിന്‍ ലോങ്ങ് വീല്‍ബേസ് പതിപ്പില്‍ റെഗുലര്‍ മോഡലിനെക്കാള്‍ 110 എം.എം. വീല്‍ബേസ് ഉയര്‍ത്തിയിട്ടുണ്ട്. ഇതിന് ആനുപാതികമായി വാഹനത്തിന്റെ നീളം 120 എം.എം കൂടിയിട്ടുണ്ട്. ഈ വാഹനത്തിലെ പിന്‍നിര സീറ്റുകളുടെ ലെഗ് റൂം ഉയര്‍ത്തിയതും മറ്റൊരു പ്രത്യേകതയാണ്. 23 എം.എം. ആണി ലെഗ് റൂം വര്‍ധിപ്പിച്ചിട്ടുള്ളത്.
എല്‍.ഇ.ഡി. ഹെഡ്‌ലാമ്പ്, ടെയ്ല്‍ലാമ്പ്, ആംബിയന്റ് ലൈറ്റിങ്ങ്, മള്‍ട്ടി സോണ്‍ ക്ലൈമറ്റ് കണ്‍ട്രോള്‍ യൂണിറ്റ്, പുതിയ ഹെഡ്‌റെസ്റ്റ്, വീതിയുള്ള ആംറെസ്റ്റ് എന്നിവയായിരിക്കും ഈ വാഹനത്തില്‍ മാറ്റമൊരുക്കുന്നത്. ബി.എം.ഡബ്ല്യു ഐഡ്രൈവ് ഇന്‍ഫോടെയ്ന്‍മെന്റ് സിസ്റ്റം, കണക്ടഡ് കാര്‍ സംവിധാനം, വയര്‍ലെസ് ചാര്‍ജിങ്ങ്, ത്രീഡി നാവിഗേഷന്‍ എന്നിവ സാങ്കേതിക മികവ് തെളിയിക്കും.
2.0 ലിറ്റര്‍ ടര്‍ബോ പെട്രോള്‍, 2.0 ലിറ്റര്‍ ഡീസല്‍ എന്‍ജിനുകളില്‍ ഈ വാഹനമെത്തിയേക്കും. പെട്രോള്‍ എന്‍ജിന്‍ 255 ബി.എച്ച്.പി. പവറും 400 എന്‍.എം ടോര്‍ക്കും, ഡീസല്‍ എന്‍ജിന്‍ 188 എന്‍.എം ടോര്‍ക്കുമേകും. ത്രീ സീരീസിന്റെയും ഫൈവ് സീരീസിന്റെയും മധ്യത്തിലായിരിക്കും ഗ്രാന്‍ ലിമോസിന്റെ സ്ഥാനമെന്നാണ് സൂചന.
Source: India Car News
Content Highlights; BMW 3 Series Gran Limousine LWB Variant Might Launch in January 21
Published: 22 Dec 2020, 04:49 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented