വാഹനങ്ങള്ക്കുള്ള മലിനീകരണ നിയന്ത്രണ മാനദണ്ഡമായ ബി.എസ്. 6 രണ്ടാംഘട്ടം നടപ്പാക്കുന്നതോടെ അടുത്ത സാമ്പത്തികവര്ഷം ആദ്യം വാഹനങ്ങള്ക്ക് വിലകൂടും. ബി.എസ്. 6 മലിനീകരണ മാനദണ്ഡങ്ങള് റോഡുകളില് പാലിക്കണമെന്നതാണ് രണ്ടാംഘട്ടത്തില് പ്രാബല്യത്തിലാവുക. ആദ്യഘട്ടത്തില് ലബോറട്ടറി സാഹചര്യത്തില് പാലിക്കപ്പെട്ടാല് മതിയായിരുന്നു.
പുതിയ വ്യവസ്ഥകള് വരുന്നതോടെ എന്ജിന് ഒപ്ടിമൈസേഷന്, നൈട്രജന് മലിനീകരണം കുറയ്ക്കാനുള്ള പുതിയ സംസ്കരണ സംവിധാനങ്ങള്, മലിനീകരണ വസ്തുക്കള് കണ്ടെത്താനുള്ള സെന്സറുകള് തുടങ്ങിയവ അധികമായി സ്ഥാപിക്കേണ്ടി വരും.
ഡീസല് വാഹനങ്ങളില് ഇതിനായി 75,000 മുതല് 80,000 രൂപ വരെയും പെട്രോള് വാഹനങ്ങള്ക്ക് 25,000 മുതല് 30,000 രൂപ വരെയും അധികച്ചെലവുണ്ടാകുമെന്നാണ് കണക്കാക്കുന്നത്. ഡീസല് കാറുകളുടെയും ഹൈബ്രിഡ് കാറുകളുടെയും വിലയിലെ അന്തരം കുറയാന് ഇതു കാരണമായേക്കും.
കാറുകള് ഉള്പ്പടെയുള്ള യാത്രാ-വാണിജ്യ വാഹനങ്ങളുടെ വിലയിലാണ് വര്ധനവുണ്ടാകുക. യൂറോ 6നു തുല്യമായ ബിഎസ് 6-ന്റെ രണ്ടാം ഘട്ടം കര്ശനമായി നടപ്പാക്കാനാണ് സര്ക്കാര് തീരുമാനം. തത്സമയം മലിനീകരണ തോത് നിരീക്ഷിക്കാനുള്ള സംവിധാനങ്ങളാണ് ഒരുക്കേണ്ടിവരിക.
നിശ്ചിത തോതില് കൂടുതല് മലിനീകരണമുണ്ടായാല് വാഹനം സര്വീസ് ചെയ്യാനുള്ള നിര്ദേശം ലൈറ്റുകളിലൂടെ നല്കുകയാണ് ചെയ്യുക. ഇന്ധനം കത്തുന്നതിന്റെ അളവ് നിയന്ത്രിക്കുന്നതിന് കംപ്യൂട്ടര് പ്രോഗാം ചെയ്ത ഫ്യുവല് ഇന്ജക്ടറുകളും ഉള്പ്പെടുത്തേണ്ടിവരും. എഞ്ചിനിലേയ്ക്ക് എത്തിക്കുന്ന ഇന്ധനത്തിന്റെ അളവും സമയവും നിയന്ത്രിക്കാന് ഈ സംവിധാനം ഉപകരിക്കും.
Content Highlights: B.S.6 seconf phase; vehicle price will increase, bs6 vehicle in india, euro6 vehicle, pollution
Published: 23 Oct 2022, 12:40 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented