
ജാവ യെസ്ഡി മോട്ടോര് സൈക്കിള്സ് കേരളത്തില് ഉള്പ്പെടെ കൂടുതല് ഷോറൂമുകള് തുടങ്ങാന് ലക്ഷ്യമിടുന്നു. നിലവില് നാനൂറോളം ഷോറൂമുകളാണ് രാജ്യത്തുള്ളത്. അടുത്ത രണ്ടു വര്ഷത്തിനുള്ളില് ഇത് 750 ആയി ഉയര്ത്താനാണ് ലക്ഷ്യമിടുന്നതെന്ന് ജാവ യെസ്ഡി മോട്ടോര് സൈക്കിള്സ് സി. ഇ.ഒ. ആശിഷ് സിങ് ജോഷി പറഞ്ഞു.
കേരളത്തില് നിലവില് 13 ഷോറൂമുകളാണുള്ളത്. സംസ്ഥാനത്ത് 'മോട്ടോസോണ്' എന്ന പേരില് ചെറു ഷോറൂമുകളുടെ ശൃംഖലയൊരുക്കുമെന്ന് അദ്ദേഹം വ്യക്തമാക്കി.
2018-ല് മാത്രം ആരംഭിച്ച കമ്പനി ഇതിനോടകം രണ്ടു ലക്ഷം മോട്ടോര് സൈക്കിളുകളാണ് വിറ്റഴിച്ചത്. മൊത്തം വില്പനയുടെ 42 ശതമാനവും ദക്ഷിണേന്ത്യയിലാണെന്നും കൊച്ചി ഏറ്റവും വലിയ വിപണിയാണെന്നും അദ്ദേഹം പറഞ്ഞു.
നിലവില് എട്ടു മോഡലുകളുള്ള കമ്പനി 2024 ജനുവരിയില് പുതിയൊരു മോഡല് കൂടി അവതരിപ്പിക്കാനിരിക്കുകയാണ്. അതിനിടെ, കമ്പനിയില് മഹീന്ദ്ര ഉള്പ്പെടെയുള്ള നിക്ഷേപകര് അടുത്ത മൂന്നു വര്ഷത്തിനുള്ളില് 875 കോടി രൂപ മുതല്മുടക്കും.
Content Highlights: Jawa Yezdi new model to launch in January, 875 crore new investment, Jawa motorcycle, Yezdi
Published: 17 Dec 2023, 08:12 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented