ഒരു സിനിമ ഇറങ്ങിയാൽ അതിന്റെ ലൊക്കേഷനുകൾ ജനപ്രീതി നേടുന്നത് ഇത് ആദ്യമായല്ല. മണിച്ചിത്രത്താഴ്, ബിഗ് ബി, കുമ്പളങ്ങി നൈറ്റ്സ്, പ്രേമം… ആ നിരയിലേക്ക് ഏറ്റവും ഒടുവിലായി എത്തിയതാണ് ഗിരീഷ് എ.ഡിയുടെ നിവിൻ പോളി ചിത്രം ‘ബത്‌ലഹേം കുടുംബ യൂണിറ്റ്’. ജസ്റ്റിൻ ചേട്ടന്റെയും ആഷ്‌ലിയുടെയും പ്രണയകഥ ഹിറ്റായതോടെ അവരുടെ ലോകം കാണാനായി എത്തുകയാണ് സിനിമാപ്രേമികൾ. ഇരുവരുടെയും വീട്, കറുകുറ്റി റെയിൽവേ സ്റ്റേഷൻ, പള്ളി തുടങ്ങി ഒറ്റ സീനിൽ വരുന്ന ലൊക്കേഷൻ പോലും ആളുകൾ തേടി കണ്ടുപിടിച്ചു. അങ്കമാലി പരിസരത്തെ ഈ സ്ഥലങ്ങൾ തേടി കേരളത്തിന്റെ നാനാഭാഗത്ത് നിന്നാണ് ആളുകൾ എത്തുന്നത്.

To advertise here,