ഇന്ത്യയുടെ പുരാവസ്തുവകുപ്പ് സൂര്യോദയത്തിന് മുമ്പും സൂര്യാസ്തമയത്തിന് ശേഷവും പ്രവേശനം നിഷേധിച്ചിട്ടുള്ള എണ്ണപ്പെട്ട സ്ഥലങ്ങളില്‍ ഒന്നാണ് രാജസ്ഥാനിലെ ഭാംഗഡ് കോട്ട. നഷ്ടപ്രതാപത്തിന്റെ അവശേഷിപ്പുകളുമായി ആരവല്ലി മലനിരകള്‍ക്ക് നടുവില്‍ സ്ഥിതി ചെയ്യുന്ന ഭാംഗഡ് കോട്ട പ്രേതവേട്ടക്കാരുടെ അഥവാ ഗോസ്റ്റ് ഹണ്ടേഴ്സിന്റെ പ്രിയപ്പെട്ട ഇടമാണ്. 

To advertise here,

സന്ധ്യ കഴിഞ്ഞ് പ്രവേശനം ഇല്ല എന്നതുകൊണ്ടുതന്നെ പൊടിപ്പും തൊങ്ങലും വെച്ച നിരവധി കഥകളാണ് ഭാംഗഡ് കോട്ടയെ ചുറ്റിപ്പറ്റി നിലനില്‍ക്കുന്നത്. രാത്രികളില്‍ ഇവിടെ നിന്നും സ്ത്രീകളുടെ അലറിക്കരച്ചിലുകളും കൊലുസ്സിന്റെ കിലുക്കവും കേള്‍ക്കാറുണ്ടെന്നും ഒരു പ്രത്യേക മണം അന്തരീക്ഷത്തില്‍ പരക്കാറുണ്ടെന്നും കോട്ടയുടെ പരിസരത്തെ ഗ്രാമവാസികള്‍ പറയുന്നു.