തിരുവനന്തപുരം: സമൂഹവ്യാപനമറിയാന്‍ സംസ്ഥാനത്ത് നാളെ റാന്‍ഡം രീതിയില്‍ വ്യാപക കോവിഡ് പരിശോധന. ഒറ്റദിവസം 3,000 പേരുടെ സാമ്പിളാണ് പരിശോധനക്കായി ശേഖരിക്കുക. ഹോട്ട് സ്‌പോട്ടുകളിലേതടക്കം പൊതുജനങ്ങളിലെ വിവിധ വിഭാഗങ്ങളില്‍ നിന്ന് സാമ്പിള്‍ ശേഖരിക്കും.സമൂഹവ്യാപനമറിയാനാണ് പരിശോധന. സംസ്ഥാനത്ത് രണ്ടാം തവണയാണ് റാന്‍ഡം രീതിയില്‍ പരിശോധിക്കുന്നത്.
സമീപകാലത്ത് വിദേശ അന്യ സംസ്ഥാന യാത്ര ചരിത്രം ഇല്ലാത്തവര്‍, കോവിഡ് ലക്ഷണം ഇല്ലാത്തവര്‍, മുതിര്‍ന്ന പൗരന്മാര്‍, ഗര്‍ഭിണികള്‍ തുടങ്ങിയവരില്‍ നിന്നാണ് സാമ്പിള്‍ ശേഖരിക്കുന്നത്. ഇവ പി.സി.ആര്‍. പരിശോധനയ്ക്ക് വിധയമാക്കി രോഗനിര്‍ണയം നടത്തും. നേരത്തെ ഏപ്രില്‍ 26 നാണ് സംസ്ഥാനത്ത് സമാന പരിശോധന നടന്നത്. രോഗികളുടെ എണ്ണം കുത്തനെ ഉയരുന്ന സാഹചര്യത്തില്‍ രണ്ടാം പരിശോധന നിര്‍ണ്ണായകമാണ്.
Published: 25 May 2020, 11:41 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented