40 വർഷത്തെ കൂട്ടായ്മ; ഓട്ടോ സ്റ്റാൻഡ് ഹരിതാഭമാക്കുന്ന ഡ്രെെവർമാർ
കൊടുംവേനലിലും കരുമാല്ലൂര്‍ തട്ടാംപടി കവലയിലെ ഓട്ടോ സ്റ്റാൻഡിലെത്തിയാല്‍ നല്ല കുളിര്‍മയായിരിക്കും. ഓട്ടോ തൊഴിലാളികള്‍ നട്ടുവളര്‍ത്തിയ മരത്തണലില്‍ ആരും അല്‍പ്പനേരം നിന്നുപോകും. അത്രയ്ക്ക് ഹരിതാഭമാണ് ഈ ഓട്ടോ സ്റ്റാൻഡ്.
40 വര്‍ഷംമുമ്പാണ് തട്ടാംപടി കവലയില്‍ സെയ്ന്റ് ലിറ്റില്‍ ട്രീസാസ് സ്‌കൂളിനുമുമ്പിലായി ഈ ഓട്ടോസ്റ്റാന്റ് തുടങ്ങിയത്. ഒരു തണല്‍മരം തന്നെയായിരുന്നു ഇവിടെത്തന്നെ സ്റ്റാന്റ് സ്ഥാപിക്കാനുള്ള കാരണം. ഓട്ടോറിക്ഷകളുടെ എണ്ണംകൂടിയതോടെ ഒരു മരത്തിന്റെ തണല്‍ പോരാതെയായി. അങ്ങനെ റോഡരികിലായി ഓട്ടോതൊഴിലാളികള്‍ ചേര്‍ന്ന് മരങ്ങൾ നട്ടുതുടങ്ങി. ഓട്ടോ സ്റ്റാൻഡ് ഹരിതാഭമാക്കി.
റോഡിലൂടെ കടന്നുപോകുന്ന മറ്റുവാഹനങ്ങള്‍ക്ക് തടസ്സമില്ലാതിരിക്കണം. അതുകൊണ്ട് വലുതായി പന്തലിച്ചുവളരുന്ന മരങ്ങളല്ല നട്ടിരിക്കുന്നത്. റോഡിലേക്ക് കൂടുതല്‍ ചാഞ്ഞുചെന്നാല്‍ കൊമ്പുകള്‍ ഓട്ടോക്കാര്‍തന്നെ വെട്ടിക്കളയുംചെയ്യും.
Content Highlights: greener commute how an auto stand in karumalloor became an oasis of shade
Published: 05 Jun 2025, 09:53 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented