'ജനങ്ങള്ക്ക് ജീവിക്കാനാവുന്നില്ല; ജനവാസമേഖലയിൽ ഇറങ്ങുന്ന വന്യജീവികളെ വെടിവെച്ചുകൊല്ലാൻ തീരുമാനം'
ജനവാസമേഖലയില് ഇറങ്ങുന്ന എല്ലാ വന്യ ജീവികളേയും വെടിവെച്ച് കൊല്ലാന് നിര്ദേശം നല്കിയതായി കോഴിക്കോട് ജില്ലയിലെ ചക്കിട്ടപ്പാറ ഗ്രാമപഞ്ചായത്ത്. കഴിഞ്ഞ കുറേ വര്ഷങ്ങളായി ഈ പഞ്ചായത്തിലെ ജനങ്ങള് നേരിടുന്ന പ്രശ്നമാണ് വന്യജീവി ആക്രമണം. കൃഷിക്കാര്ക്ക് ഉപജീവനം നടത്താനാവുന്നില്ല. മലയോര മേഖലയിലെ കര്ഷകര് അസംതൃപ്തരാണ്. ജനങ്ങള് സ്ഫോടനാത്മകമായ മാനസികാവസ്ഥയിലേക്ക് മാറിക്കൊണ്ടിരിക്കുകയാണ്. ഈ സാഹചര്യത്തിലാണ് തീരുമാനമെന്ന് പഞ്ചായത്ത് പ്രസിഡന്റ് കെ. സുനില് വ്യക്തമാക്കി.
'വൈകാരിക തീരുമാനമല്ല. ജനങ്ങള്ക്ക് ജീവിക്കാന് കഴിയാതെ ആത്മഹത്യയെ കുറിച്ച് ചിന്തിക്കുന്ന ഒരു പ്രത്യേക സാഹചര്യത്തിലാണ്, എല്ലാ പാര്ട്ടികളും യോജിച്ചുകൊണ്ട് ഈ തീരുമാനത്തിലെത്തിയത്. ഇതിൽ നിയമവിരുദ്ധത ഉണ്ടെങ്കിലും ജനങ്ങളുടെ താത്പര്യം ഉയര്ത്തിപിടിച്ചുകൊണ്ടുള്ള തീരുമാനമാണിത്. അതുമായി മുന്നോട്ട് പോകാനും ഭാവിയിൽ ഈ പഞ്ചായത്തിലെ വനമേഖലയിലെ കൃഷിക്കാർ ഓരോരുത്തരും കൈയിൽ തോക്കേന്തേണ്ടി വരുന്ന അവസ്ഥയിലേക്കാണ് നീങ്ങുന്നത്', കെ. സുനില് പറഞ്ഞു.
Inshort: Chakkittapara Grama Panchayat in Kozhikode has decided to shoot wild animals entering residential areas due to continuous attacks on farmers, affecting their livelihood and leading to extreme distress, despite acknowledging legal issues.
Content Highlights: Chakkittapara Grama Panchayat has ordered the shooting of all wild animals entering residential area
Published: 05 Mar 2025, 10:56 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented