ചെന്നൈയിലും ബാംഗ്ലൂരിലും നിരൂപക പ്രശംസ പിടിച്ചുപറ്റിയ ടീം ആർട്‌സ് ചെന്നൈയുടെ ഹിറ്റ് മലയാള നാടകം അനുരാഗക്കടവിൽ വെള്ളിയാഴ്ച കോഴിക്കോട് തളിയിലെ കണ്ടംകുളം ജൂബിലി ഹാളിൽ അരങ്ങേറി.

To advertise here,

ആനന്ദ് രാഘവ് രചനയും കെ. ഉദയകുമാർ സംഭാഷണവും നിർവ്വഹിച്ച ഈ നാടകം, വർദ്ധിച്ചുവരുന്ന കുടുംബ ഉത്തരവാദിത്തങ്ങൾക്കിടയിൽ ദാമ്പത്യ ജീവിതത്തിന്റെ സന്തുലിതാവസ്ഥ എപ്രകാരം നിലനിർത്താം എന്ന് അന്വേഷിക്കുന്നു. തമാശകൾ കലർന്ന ഹൃദ്യമായ ഒരു സാമൂഹിക കഥയെന്ന് വിശേഷിപ്പിക്കപ്പെടുന്ന ഈ നാടകം, മുൻ നഗരങ്ങളിലെ പ്രേക്ഷകരുടെ മനസ്സ് കീഴടക്കി.

പി.കെ. സജിത്ത്, എം. ഗോപരാജ് മാധവൻ എന്നിവർ ചേർന്നാണ് ഈ നാടകം സംവിധാനം ചെയ്തിരിക്കുന്നത്.ഡോ. എ.വി. അനൂപ്, കെ.പി.എ. ലത്തീഫ്, രാജീവ് ബേപ്പൂർ, രവിശങ്കർ, അശ്വിൻ ജയപ്രകാശ്,ഷൈലജ ദേവദാസ്, സ്വപ്ന നായർ, ഷീബ കെ.ആർ. ചിറമ്മൽ, പാർവതി രാജേഷ് എന്നിവരാണ്പ്രധാന അഭിനേതാക്കൾ.