ഉത്തര്‍പ്രദേശിലെ ഒരു ഗ്രാമത്തിലെ മാധ്യമപ്രവര്‍ത്തകന്റെ തിരോധാനം. ദിവസങ്ങള്‍ നീണ്ട അന്വേഷണം എത്തുന്നത് നാട്ടിലെ മാന്യനായ ഒരു വ്യക്തിയിലേക്ക്. പോലീസ് പരമാവധി ചോദ്യം ചെയ്തിട്ടും അയാള്‍ ഒന്നും വിട്ടു പറയുന്നില്ല. തുടര്‍ന്നുള്ള അന്വേഷണത്തില്‍ അയാളില്‍ നിന്ന് ഒരു ഡയറി കണ്ടെടുക്കുന്നു. അതില്‍ പതിനാലോളം പേരുകള്‍ കുറിച്ചിരിക്കുന്നു. സമീപപ്രദേശത്ത് നിന്ന് വ്യത്യസ്ത കാലഘട്ടങ്ങളില്‍ കാണാതായവരുടെ പേരുകളായിരുന്നു എന്നതാണ് പോലീസിനെ നടുക്കിയത്.

To advertise here,

വിശദമായ അന്വേഷണത്തില്‍ ചുരുളഴിയുന്നത് സീരിയല്‍ കൊലയാളിയുടെ നടുക്കുന്ന ക്രൂരതയിലേക്കാണ്. ഇന്ത്യന്‍ പ്രെഡേറ്റര്‍; ദ ഡയറി ഓഫ് എ സീരിയല്‍ കില്ലര്‍ എന്ന ഡോക്യുമെന്ററി ഒരുക്കിയിരിക്കുന്നത് ഉത്തര്‍പ്രദേശില്‍ നടന്ന യഥാര്‍ഥ സംഭവത്തെ ആസ്പദമാക്കിയാണ്.  ധീരജ് ജിണ്ടാല്‍ സംവിധാനം ചെയ്തിരിക്കുന്ന ഈ ഡോക്യുമെന്ററി നെറ്റ്ഫ്‌ലിക്‌സിലാണ് റിലീസ് ചെയ്തിരിക്കുന്നത്.