നവിമുംബൈ: നവിമുംബൈ അന്താരാഷ്ട്ര വിമാനത്താവളത്തിന് ഡയറക്ടർജനറൽ ഓഫ് സിവിൽ ഏവിയേഷന്റെ എയ്റോഡ്രോം ലൈസൻസ് ലഭിച്ചു. വിമാനത്താവളത്തിന്റെ പ്രവർത്തനത്തിന് നിർണായകമായ ലൈസൻസ് ലഭിച്ചതോടെ സ്ഥിരമായി വിമാനങ്ങൾക്ക് ഇറങ്ങാനും പറന്നുയരാനുമുള്ള അനുമതിയായി. കൈമാറ്റംചെയ്യാൻ പാടില്ല എന്ന നിബന്ധനയോടെയാണ് ലൈസൻസ് നൽകിയിരിക്കുന്നത്.
ഒക്ടോബർ ഏഴിന് പ്രധാനമന്ത്രി നരേന്ദ്രമോദി വിമാനത്താവളം ഉദ്ഘാടനംചെയ്യും. ആദ്യവിമാനം ഒക്ടോബർ ഏട്ടിന് സർവീസ് ആരംഭിക്കും.
ഇൻഡിഗോ, ആകാശ, എയർ ഇന്ത്യ എക്സപ്രസ് തുടങ്ങിയ വിമാനക്കമ്പനികൾ നവിമുംബൈ വിമാനത്താവളത്തിൽനിന്ന് സർവീസ് തുടങ്ങാനുള്ള പ്രവർത്തനം ആരംഭിച്ചു. തുടക്കത്തിൽ മണിക്കൂറിൽ പതിനഞ്ച് സർവീസുകൾ ഇവിടെനിന്നുണ്ടാകും.
ഘട്ടംഘട്ടമായി സർവീസുകളുടെ എണ്ണം കൂട്ടും. അടുത്തമാസത്തോടെ അന്താരാഷ്ട്രസർവീസുകൾ ആരംഭിക്കും. പത്ത് ഇന്ത്യൻനഗരങ്ങളിലേക്കുള്ള സർവീസുകളാണ് ആദ്യം ആരംഭിക്കുക. ആദ്യഘട്ടത്തിൽ പ്രതിവർഷം 20 ദശലക്ഷം യാത്രക്കാരെ ഉൾക്കൊള്ളാൻ വിമാനത്താവളത്തിന് ശേഷിയുണ്ടാകും.
Content Highlights: Navi Mumbai International Airport receives aerodrome license from DGCA. PM Modi to inaugurate on Oct 7, with services to 10 Indian cities starting Oct 8. Initial capacity: 20 million passengers/year.
Published: 01 Oct 2025, 11:26 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented