സൂര്യനില്‍ നിന്നുള്ള കൊറോണല്‍ മാസ് ഇജക്ഷന്‍ (CME) ചന്ദ്രന്റെ നേര്‍ത്ത അന്തരീക്ഷത്തില്‍ (എക്‌സോസ്ഫിയര്‍) എങ്ങനെ സ്വാധീനിക്കുന്നു എന്നതിനെക്കുറിച്ചുള്ള ആദ്യത്തെ നിരീക്ഷണം നടത്തി ഇന്ത്യയുടെ രണ്ടാം ചാന്ദ്ര ദൗത്യമായ ചന്ദ്രയാന്‍ 2. ഓര്‍ബിറ്ററിലുള്ള ചന്ദ്രാസ് അറ്റ്‌മോസ്ഫറിക് കോമ്പോസിഷന്‍ എക്‌സ്‌പ്ലോറര്‍ -2 (CHACE-2) ഉപകരണം ഉപയോഗിച്ചാണ് ഇത് നിരീക്ഷിച്ചത്.
സൗരവാതം അന്തരീക്ഷത്തില്‍ പതിച്ചപ്പോള്‍ പകല്‍ സമയത്തെ ചന്ദ്രന്റെ എക്‌സോസ്ഫിയറിലെ മര്‍ദം വര്‍ധിച്ചതായി ഐഎസ്ആര്‍ഒ അറിയിച്ചു. ഇങ്ങനെ സ്വാധീനമുണ്ടാകുന്നുവെന്ന് നേരത്തെ സൈദ്ധാന്തികമായി വിശദീകരിക്കപ്പെട്ടിട്ടുണ്ടെങ്കിലും അത് ആദ്യമായി നിരീക്ഷിച്ചത് ചന്ദ്രയാന്‍ 2 ഓര്‍ബിറ്ററാണെന്നും അത്യപൂര്‍വമായി മാത്രമാണ് അങ്ങനെ ഒരു അവസരം ലഭിക്കുകയെന്നും ഐഎസ്ആര്‍ഒ കൂട്ടിച്ചേര്‍ത്തു.
ചന്ദ്രന്റെ എക്‌സോസ്ഫിയറിനെയും ബഹിരാകാശ കാലാവസ്ഥാ പ്രതിഭാസങ്ങളെയും മനസ്സിലാക്കുന്നതില്‍ നിര്‍ണായകമാണ് ഈ കണ്ടെത്തല്‍. ഭാവിയില്‍ ചന്ദ്രനില്‍ സ്ഥിരവാസത്തിനനുയോജ്യമായ താവളങ്ങള്‍ ഒരുക്കാനുള്ള പദ്ധതികള്‍ക്ക് നേരിട്ടേക്കാവുന്ന വെല്ലുവിളികള്‍ സംബന്ധിച്ച സൂചനയും ഇത് നല്‍കുന്നു.
2019 ജൂലായ് 22 ന് ശ്രീഹരിക്കോട്ടയില്‍ നിന്ന് ജിഎസ്എല്‍വി മാര്‍ക്ക് 3 എം1 റോക്കറ്റിലാണ് ചന്ദ്രയാന്‍ 2 വിക്ഷേപിച്ചത്. ഓഗസ്റ്റ് 20 ന് പേടകം ചന്ദ്രനെ ചുറ്റുന്ന ഭ്രമണ പഥത്തിലെത്തി. ദൗത്യത്തിന്റെ ഭാഗമായുണ്ടായിരുന്ന വിക്രം ലാന്‍ഡര്‍ ചന്ദ്രോപരിതലത്തിലിറക്കാനുള്ള ശ്രമം പരാജയപ്പെട്ടിരുന്നു. എങ്കിലും ഭ്രമണപഥത്തിലെ ഓര്‍ബിറ്റര്‍ ഇപ്പോഴും സജീവമാണ്.
Content Highlights: Chandrayaan-2 makes first-ever observation of solar storm (CME) impact on the Moon's exosphere.
Published: 20 Oct 2025, 03:18 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented